Aukaspurningar:

Hvað heitir konan hér að ofan?

***

Aðalspurningar:

1.  Mánaðarnafnið febrúar er dregið af hreinsunarhátíðinni febrúa sem einnig var kölluð lupercalíu-hátíð og var í heiðri höfð ... hvar?

2.  Cantaloupe heitir eitt afbrigði af ávextinum ... hvaða ávexti?

3.  Hver er sú 1,5 milljóna manna borg þar sem öllum er bannað að koma sem ekki tilheyra tilteknum trúarbrögðum?

4.  Í hvaða landi heitir höfuðborgin Tírana?

5.  Nymphomania var orð sem notað var bæði í geðlæknisfræðum og daglegu máli um tiltekið sjúklegt ástand kvenna, en um karla var haft orðið satyriasis. Þessi orð eru ekki lengur notuð og umdeilt mun vera hvort um sé að ræða sérstakt fyrirbæri eða einfaldlega birtingarmynd ýmissa kvilla, andlegra og/eða líkamlegra. En um hvað voru þessi orð notuð?

6.  Antonio Stradivari var hljóðfærasmiður, einkum rómaður fyrir ... hvaða hljóðfæri?

7.  Hver skrifaði bókina Þrúgur reiðinnar eða Grapes of Wrath?

8.  Íslenskur tónlistarmaður sló í gegn fyrir tónlist sem hann flutti og samdi í leikgerð eftir Þrúgum reiðinnar fyrir nokkrum áratugum. Hver var sá?

9.  Manfred Albrecht Freiherr von Richthofen varð frægur á árum fyrri heimsstyrjaldar. Hann var ... hvað?

10.  Lyfin Ozempic og Saxenda hafa komist í sviðsljósið að undanförnu. Í daglegu tali eru þau kölluð ... hvað?

***

Seinni aukaspurning:

Hver er teiknimyndapersónan?

***

Svör við aðalspurningum:

1.  Í Rómaveldi. 

2.  Melónu.

3.  Mekka.

4.  Albaníu.

5.  Óhóflega ástundan kynlífs.

6.  Fiðlur.

7.  John Steinbeck.

8.  KK.

9.  Flugkappi.

10.  Megrunarlyf. Í reynd mun þó mjög villandi að nota það orð um lyfin.

***

Svör við aukaspurningum:

Á efri myndinni er Margrét Erla Maack.

Á neðri myndinni er Pocahontas.