Stjórn Félags fréttamanna lýsir vonbrigðum með niðurstöðu siðanefndar RÚV

Stjórn Félags frétta­manna lýsir von­brigðum sínum með nið­ur­stöðu siða­nefndar RÚV og hefur áhyggjur af því hvaða afleið­ingar nið­ur­staðan getur haft fyrir gagn­rýna fjöl­miðlun. Þetta kemur fram í ályktun sem félagið sam­þykkti fyrr í dag.

„Upp er komin sú staða sem margir vör­uðu við og ótt­uð­ust þegar siða­reglur RÚV voru settar. Ákvæði þeirra um bann við tján­ingu á sam­fé­lags­miðlum er notað til að hefta tján­ing­ar­frelsi frétta­manna og í til­raunum til að þagga niður í frétta­mönnum og umfjöllun þeirra. Frétta­menn geta illa setið undir því að siða­reglur RÚV séu not­aðar til að kæla umfjöllun þeirra,“ segir í álykt­un­inni og kallað er eftir því að siða­regl­urnar verði end­ur­skoð­aðar. [links]

Í ályktun félags­ins eru siða­regl­urnar sagðar hafa verið umdeildar frá upp­hafi og að fjöl­margir hafi talið að með ákvæði um sam­fé­lags­miðla væri brotið gegn tján­ing­ar­frelsi starfs­manna. „Einnig hefur verið bent á að hægt væri að mis­nota siða­regl­urnar til að reyna að koma höggi á starfs­menn. Hvort tveggja hefur nú sann­ast,“ segir þar enn fremur.

Stjórn Félags frétta­manna lýsir auk þess undrun sinni á nið­ur­stöðu siða­nefndar að ein ummælin sem feli í sér alvar­legt brot á siða­reglum séu ummæli sem bein­ast ekki að stjórn­endum Samherja, kærendum í mál­inu, heldur að fyr­ir­tæk­inu Eldum rétt. „Sem fyrr segir til­tók lög­maður kær­anda tugi ummæla á ann­ars tugs starfs­manna í kæru sinni. Slíkt er þekkt í meið­yrða­málum þar sem stefnt er vegna fjölda ummæla í von um að ein­hver verði metin brot­leg. Samherji kastaði stóru neti og veiddi eina siða­nefnd.“

Niðurstaða siðanefndar hefur ekki áhrif á störf Helga

Siða­nefnd RÚV birti í gær nið­ur­stöðu sína í kæru­máli Sam­herja gegn ell­efu starfs­mönnum RÚV vegna ummæla sem þeir létu falla á sam­fé­lags­miðl­um. Í nið­ur­stöð­unni var mála­til­bún­aði gegn tíu starfs­mönnum RÚV vísað frá eða ummæli þeirra ekki talin brot á siða­reglum RÚV. Einn starfs­mað­ur, Helgi Selj­an, var tal­inn hafa gerst brot­legur við siða­reglur með alvar­legum hætti vegna nokk­urra ummæla sem hann lét falla á sam­fé­lags­miðl­um. Önnur ummæli hans sem kærð voru voru það hins vegar ekki.

Í yfir­lýs­ingu sem birt er á vef RÚV er tekið fram að nið­ur­staðan myndi ekki hafa áhrif á störf Helga. Þar segir einnig að frétta­stofa RÚV standi við allan frétta­flutn­ing af mál­efnum Samherja og muni halda áfram að fjalla um fyr­ir­tækið eins og til­efni er til.