Fréttir Samherjaskjölin

Fyrrverandi fjármálastjóri Samherja vissi ekki um mútugreiðslurnar í Namibíu

„Ég var búinn að vinna svo lengi með þessu fólki og ég á bara svo erfitt með að trúa þessu,“ segir Sigursteinn Ingvarsson, fyrrverandi fjármálastjóri Samherja. Hann segist ekki hafa vitað af mútugreiðslum fyrr en málið var til umfjöllunar í fjölmiðlum.

Ingi Freyr Vilhjálmsson

26. nóvember 2019 · 11:39

Birtist upphaflega í Stundinni fyrir 7 árum.

Fyrrverandi fjármálastjóri Samherja, Sigursteinn Ingvarsson, vissi ekki að fyrirtækið hefði greitt mörg hundruð milljónir króna í mútur í Namibíu til að komast yfir hestamakrílskvóta. „Nei,“ segir Sigursteinn þegar hann er spurður að því hvort hann hafi vitað um mútugreiðslurnar. Hann segist fyrst hafa séð upplýsingar um mútugreiðslurnar í fjölmiðlum.

Sigursteinn hætti sem fjármálastjóri árið 2016 eftir að hafa starfað hjá Samherja í 14 ár. Sigursteinn var meðal annars notandi (norska: disponent), hafði formleg réttindi til að millifæra og stýra bankareikningi Kýpurfélagsins Esju Seafood í norska DNB bankanum, samkvæmt upplýsingum úr Samherjaskjölunum sem Stundin hefur unnið fréttir upp úr í samstarfi við Wikileaks, Kveik og Al Jazeera.

Sigursteinn segir aðspurður að hann hafi ekki vitað að hann hefði haft leyfi til að millifæra fé af reikningum Esju Seafood. „Nei. Ok, ég vissi það ekki. Þetta kemur mér verulega á óvart. Ég þekki þetta ekki.“

Þetta félag Samherja á Kýpur greiddi hálfan milljarð í mútur til félagsins Tundavala Investments í Dubaí. Sigursteinn vissi þetta ekki segir hann en greiðslurnar til Tundavala hófust áður en hann hætti hjá Samherja.

Treysti samstarfsfólki

Sigursteinn vill að svo komnu máli ekki svara því hvernig honum varð um að sjá þessar upplýsingar í fjölmiðlum. „Ég ætla nú bara að bíða og sjá hvað rannsóknir leiða í ljós. Ég held að ég ætli ekkert að tjá mig um þetta fyrr.“

Blaðamaður: „En þú varst fjármálastjóri félagsins?“

„Ég fylgdist ekki með einstaka greiðslum úti í heimi“

Sigursteinn: „Já, en það eru 130 félög í samstæðunni og ég treysti bara þeim uppgjörum sem komu frá endurskoðendum í hverju landi, og að þeir fjármálastjórar sem væru að vinna í þessum löndum úti, og allan heim, væru að vinna vinnuna sína.“

Blaðamaður: „Þú sást aldrei neinar heimildir sem bentu til þess að þessar greiðslur hefðu átt sér stað?“

Sigursteinn: „Nei, ég fylgdist ekki með einstaka greiðslum úti í heimi. Ég fylgdist bara með því uppgjörin væru endurskoðuð. Ég var ekki að velta því fyrir mér hvert greiðslurnar fóru í hverju landi fyrir sig. Einungis endurskoðuð uppgjör fengu að fara inn í samstæðu Samherja. Þetta er náttúrulega gríðarlega stór samstæða. Ég fylgdist með rekstrinum en ekki einstaka peningafærslum.“

Tekið skal fram að ekkert í Samherjaskjölunum sýnir fram á eða bendir til að Sigursteinn hafi komið að því að skipuleggja þessar mútugreiðslur. Engir tölvupóstar, skjöl eða önnur gögn sýna fram á aðkomu hans að mútunum. Hann var hins vegar fjármálastjóri samstæðu Samherja og einn hæstsetti stjórnandi félagsins.

Veit ekki hversu margir vissu um múturnar

Þegar Sigursteinn er spurður að því hversu margir innan Samherja hafi vitað um mútugreiðslurnar að hans mati, fyrst hann sem fjármálastjóri vissi ekki um þær svarar hann: „Ég bara þekki það ekki.“

Blaðamaður: „Þetta var aldrei rætt á neinum vettvangi?“

Sigursteinn: „Auðvitað var rætt um þessi félög og farið yfir reksturinn almennt, en daglegur rekstur er bara í viðkomandi landi […] En eins og ég segi þá finnst mér bara eðlilegt á þessari stundu að málið verði rannsakað. Ég tjái mig kannski meira um þetta eftir það.“

Að lokum segist hann eiga erfitt með að trúa því að þetta hafi gerst: „Ég var búinn að vinna svo lengi með þessu fólki og ég á bara svo erfitt með að trúa þessu.“

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Samherjaskjölin

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Tengdar greinar

Samherjaskjölin

DómsmálSamherjaskjölin

Ágreiningsmál fyrir dómi tefja ákærur í Samherjamálinu

Ár er frá því að rannsókn héraðssaksóknara á Samherjamálinu lauk en ekki hefur enn verið ákveðið hvort gefin verði út ákæra á hendur níu fyrrverandi starfsmönnum Samherja sem hafa réttarstöðu sakbornings.

FréttirSamherjaskjölin

Vonast til að rannsókn á Samherjamáli ljúki í sumar

Rannsókn héraðssaksóknara er á lokametrunum og ætti að klárast að óbreyttu á sumarmánuðum.

FréttirSamherjaskjölin

„Tími á að íslensk stjórnvöld axli siðferðislega ábyrgð á Samherja“

Leiðtogi namibísku stjónarandstöðunnar segir landa sína undrast þögn íslenskra stjórnvalda um þá staðreynd að stærsta spillingarmál í sögu Namibíu hafi orðið til fyrir tilstilli íslensks fyrirtækis. Spyr hvort hundrað milljóna styrkur Orkusjóðs sé ríkisstyrkt spilling og sendir forsætisráðherra opið bréf og óskar liðsinnis hennar við að fá Samherja til að greiða bætur og svara til saka.

RannsóknirSamherjaskjölin

Samherji sakaður um stórfelld skattalaga- og gjaldeyrisbrot í Namibíu og framsalskrafa væntanleg

Ríkissaksóknari Namibíu er enn ákveðinn í því að óska eftir framsali þriggja stjórnenda Samherjafélaga í Namibíu og segir brot á skatta- og gjaldeyrislögum muni mögulega bætast við sakarefnin á hendur þeim. Stórfelld skattalagabrot Samherjafélaga sögð til rannsóknar. Samherjamaður segir íslensk yfirvöld þegar hafa neitað að framselja sig.

FréttirSamherjaskjölin

Íslandsvinkona svo gott sem orðin forseti Namibíu

Netumbo Nandi-Ndaitwah, utanríkisráðherra Namibíu, sem kom hingað til lands í júní og ræddi Samherjamálið við íslenska ráðherra og aðstoðarmann eins þeirra, er nú svo gott sem búin að tryggja sér forsetaembættið í Namibíu. Hún var í morgun kjörin arftaki formanns flokksins, sitjandi forseta sem hyggst setjast í helgan stein. Flokkurinn nýtur slíks yfirburðarfylgis að innanflokkskosningin er sögð raunverulegt forsetakjör.

ViðtalSamherjaskjölin

„Þetta eru glæpamenn og hegða sér eftir því“

Jóhannes Stefánsson, uppljóstrari í Samherjamálinu, er sáttur við gang rannsóknarinnar hér á landi og segir að fátt geti komið í veg fyrir að málið endi með dómi. Hann gagnrýnir þó aðgerðarleysi yfirvalda við því þegar Samherjamenn hafa áreitt, njósnað um eða reynt að hræða hann frá því að bera vitni. Fátt í viðbrögðum Samherjafólks hafi þó komið honum á óvart, enda fái þau að ganga mun lengra en öðrum liðist.

Mest lesið

Innlent

Ísland kemur einna best út úr COVID-faraldrinum

Yfirlæknir á sýkla- og veirufræðadeild Landspítalans segir gögn sýna að Ísland kom einna best út úr COVID-faraldrinum. Annarskonar áskoranir hafa þó fylgt faraldrinum, svo sem Long-COVID og vantraust til bólusetninga.

Viðtal

„Margt sem ég hef séð situr í mér“

Þegar Halla Bergþóra Björnsdóttir varð fyrst kvenna til þess að sinna löggæslu á Húsavík fékk hún að heyra að konur ættu ekkert erindi í lögregluna. Hún lét það ekki á sig fá, varð lögreglustjóri og loks ríkislögreglustjóri. Starfið hefur breytt henni, enda hefur hún komið að erfiðum málum og fengið hótanir. Á sama tíma hefur hún öðlast skarpari sýn á lífið, sterkari löngun til að gera gagn og fundið fyrir þakklæti fyrir allt það góða.

Aðsent

Hrafnhildur Kjerúlf Sigmarsdóttir

Ég, hóran

Fimmtíu og sjö karlmenn eru grunaðir um að hafa ekki komið ungri konu til aðstoðar þegar vinir þeirra nauðguðu henni í hópi. Hrafnhildur Sigmarsdóttir segir brandara um „hórur“ í ræktinni endurspegla sama tilkall til kvenna.

GagnrýniFasteignamartröðin

Martröðin að eignast heimili

Þorvaldur S. Helgason skrifar um Fasteignamartröðina eftir Gabrielė Labanauskaitė, sem sýnd er í Samkomuhúsinu.

Viðtal

Fegurðarskyn á sér „djúpar rætur í sálarlífi okkar“

Páll Jakob Líndal, doktor í umhverfissálfræði, segir fegurðarskyn fólks byggja á gildismati þess og að því sé ekki auðvelt að breyta. Við opnun Vaðölduvers sagði Jóhann Páll Jóhannsson umhverfis-, orku- og loftslagsráðherra að við þyrftum að „laga fegurðarskynið okkar að orkuskiptabyltingunni“.

Viðtal

Ísland „í miðpunkti breytinga á jörðinni“

Heimurinn er kominn yfir sjö af níu þolmörkum jarðar. Prófessorinn Johan Rockström segir þróunina áhyggjuefni en að lausnir séu þegar til staðar. Smáríki þurfi að taka þátt í að leiða sjálfbæra framtíð. „Þetta er kapphlaup og það er eins gott að taka þátt í ferðalaginu eða þið verðið skilin eftir,“ segir prófessorinn.

Mest lesið

Mest lesið í vikunni

Stjórnmál

Segir skýrt að það sé ekki heimilt að fara í Selárlaug eftir lokun

Sveitarstjóri Vopnafjarðarhrepps hefur ekki kært innbrot í Selárlaug til lögreglu eftir að fimm þingmenn fóru þangað inn í leyfisleysi. Sveitarstjórinn segir það skýrt að það sé óheimilt að fara í laugina eftir lokun og þetta sé ekki eitthvað sem menn eiga að gera.

Erlent

Friðarverðlaunahafi Nóbels er með skilaboð til Trumps

Bandaríkin vilja rífa niður Alþjóðlega sakamáladómstólinn. Ísraelar líkja fyrrverandi dómara við dómstólinn, sem hlaut friðarverðlaun Nóbels, við áróðursmeistara nasista. Hún varar við hættunni.

Innlent

Ungt fólk örmagna samkvæmt könnun

Tilfinningaleg örmögnun aldurshópsins 25–34 ára er hæst allra aldurshópa þegar litið er yfir vinnuárið. Kulnun stendur í stað en 27 prósent svarenda töldu sig koma litlu til leiðar í starfi þegar þeir mátu eigin árangur.

GagnrýniDjöflar

Hjónadjöflar

Sigríður Jónsdóttir skrifar um Djöfla eftir Lars Norén, sem sýnt er í Borgarleikhúsinu.

ErlentHorft til Evrópu

Burnham segir ljóst að Rússar hafi skipt sér af Brexit-atkvæðagreiðslunni

Forsætisráðherra Bretlands segist hafa fengið skýra staðfestingu á afskiptum Rússa þegar hann tók við embætti. Hann hyggst í dag hvetja þingmenn til að leita eftir nýju samkomulagi við Evrópusambandið og nánari tengslum við það.

Erlent

Gerðu húsleit hjá þingkonu Demókrata

Ilhan Omar hefur áður sagt rannsókn yfirvalda á sér vera pólitíska árás. Þrjár vikur eru til þingkosninga í Bandaríkjunum, þar sem úrslitin ráða því hvor flokkurinn fær meirihluta á þingi. Omar hefur gagnrýnt Donald Trump, forseta Bandaríkjanna, harðlega, sem hefur svarað af hörku.

Mest lesið í mánuðinum

Innlent

Lögreglan rukkar viðburðahaldara um tugi milljóna

Tvö lögregluembætti hafa krafið þrjá viðburðarhaldara um samanlagt 47 milljónir vegna þriggja viðburða í sumar. Viðburðahaldarar eru hugsi vegna málsins og tveir hafa kært gjaldtöku lögreglu.

Stjórnmál

Reikna ellilífeyri rangt samkvæmt orðalagi laga

Ellilífeyrisgreiðslur hafa miðað við of lágt frítekjumark í nær áratug samkvæmt orðalagi laga. Milljarðar eru undir en Tryggingastofnun túlkar lögin út frá lögskýringargögnum. Skrifstofa Alþingis segir lögin ekki uppfylla kröfur og ráðuneytið hyggst skoða hvort þeim þurfi að breyta.

ViðtalLífið á Grensás

„Ég hef ekkert til að kvarta yfir“

Söru Margréti Bergmann var kippt út úr lífi þriggja barna sinna þegar hún lamaðist skyndilega frá toppi til táar. Endurhæfingu hennar miðar vel og hún nýtur litlu hlutanna í lífinu. „Ég get verið glöð og þakklát fyrir allt, jafnvel þó ég verði alltaf í þessum stól.“

InnlentLífið á Grensás

Vilja að Katla fari á elliheimili

Heilbrigðisráðuneytið hefur þrýst á að Katla Guðnadóttir, 24 ára gömul, velji sér hjúkrunarheimili til að flytja á tímabundið. Formaður ÖBÍ segir slíkar innlagnir ungs fólks sjaldnast verða tímabundnar. Katla hefur verið ári lengur á Grensásdeild en heilbrigðisstarfsfólk taldi þurfa og vill flytja heim til sín.

ViðtalLífið á Grensás

Prófaði brimbretti í fyrsta skipti og lamaðist

Wojciech Jarosz vann á Keflavíkurflugvelli en eftir örlagaríkt frí í Karíbahafinu sækir hann nú endurhæfingu á Grensásdeild í von um að geta staðið aftur upp einn daginn. Sjaldgæfur kvilli sem byrjendur á brimbrettum geta fengið olli lömun fyrir neðan mitti.

Innlent

Starfsleyfi sex lækna felld niður eftir umfjöllun

Embætti landlæknis tók mál 13 lækna til skoðunar í kjölfar rannsóknar Heimildarinnar og erlendra miðla á læknum sem héldu starfsleyfi í einu landi eftir að hafa misst það í öðru. Sex starfsleyfi hafa verið felld niður og eitt takmarkað.