Sindri Ein­ars­son, sem er í fram­boði til 5. sætis í próf­kjöri Sjálf­stæð­is­flokks­ins í Reykja­vík, vill stofna leyni­þjón­ustu á Íslandi, hlusta á sam­skipti allra múslima, banna fjöl­menn mót­mæli og að vík­inga­sveit lög­regl­unnar sé sýni­leg á öllum stöðum þar sem fjöldi manna kemur saman.

Þessar hug­leið­ingar skrifar Sindri í grein í Morg­un­blað­inu síð­asta laug­ar­dag. Ber hún heitið „Örfá orð um þjóðar­ör­yggi og úrbætur í þjóðar­ör­ygg­is­málum.“ Segir Sindri Íslend­inga þurfa að fá erlenda þjálf­ara til lands­ins, frá banda­rísku alrík­is­lög­regl­unni, sem og MI5 inn­an­rík­is­leyni­þjón­ustu Breta, með það að mark­miði að stofna hér okkar eigin leyni­þjón­ustu.

„Einnig þarf að hlusta á sam­skipti múslima (þeirra allra), sér­stak­lega á stöðum þar sem þeir hafa bæna­hald.“

Segir hann svo að virkt eft­ir­lit þurfi að hafa með öllu því sem menn birti á net­inu. Netið sé aðal­ráðn­inga­kerfi hryðju­verka­sam­tak­anna ISIS. „Einnig þarf að hlusta á sam­skipti múslima (þeirra allra), sér­stak­lega á stöðum þar sem þeir hafa bæna­hald.“

Sindri vill enn fremur að vík­inga­sveit lög­regl­unnar sé sýni­leg á öllum stöðum þar sem fjöldi manna kemur saman. Hann vill svo banna fjöl­menn mót­mæli og að leyfi þurfi að veita fyrir mót­mælum, þannig að lög­regla geti tryggt öryggi þeirra sem mót­mæla.

„Í sjötta lagi: banna verður fjöl­menn mót­mæli...“

Toll­gæslu er gríð­ar­lega ábóta­vant, að hans mati. Þarf að tryggja að eng­inn gámur sleppi í gegn nema hann sé að fullu skoð­aður. „Gera þarf þetta vel. Hægt er að byggja leyni­stað innan gáms­ins. Í sumum til­fellum er um að ræða styttri gám að inn­an­verðu en sýn­ist að utan­verðu.“ Þar fyrir utan vill hann láta skoða alla bíla og búslóða­flutn­inga til lands­ins og herða veru­lega refs­ingar fyrir vopna­smygl. „Vissu­lega er hér rætt um hugs­an­lega skerð­ingu á ákveðnu frelsi en við getum ekki tekið séns­inn á að vopn komi hingað til lands.“

Á facebook síðu fram­boðs Sindra eru ófáar færslur þar sem varað er við upp­gangi múslima og rík­is­stjórnin er hvött til þess að „hunsa mót­mæli þeirra er mót­mæltu við aust­ur­völl og sleppa kosn­ing­unum í haust.“ Þar segir Sindri einnig um Sjálf­stæð­is­flokk­inn:

„Minn flokkur er sjálf­stæð­is­flokk­ur­inn flokkur allra stétta. Þar sem allir eru vel­komnir. Við erum til í að hlusta á mis­mun­andi sjón­ar­mið. Skoða mál­efni vel.Einnig erum við alltaf til í að bæta við fjölda okkar. Við erum stærsta stjórn­mála­afl á land­inu enda tökum við til­lit til allra og útskúfum engan.“

Örfá orð Greinin eftir Sindra Ein­ars­son