Bretum brá eflaust mörgum hverjum í brún þegar þeir hlustuðu á morgunþátt Rásar 4 í breska ríkisútvarpinu, BBC, í upphafi síðustu viku. Þar mátti heyra viðtal við mann sem biðlaði til breskra og bandarískra yfirvalda að myrða sig ekki. Sagðist maðurinn vera á „dauðalista“ Bandaríkjanna og að hann hefði naumlega komist undan fjórum drónaárásum á síðustu árum. Malik Jalal, sem starfar fyrir friðarsamtök í pakistanska héraðinu Waziristan við landamæri Afganistan, benti á að fjöldi saklausra borgara hefði látið lífið í þessum árásum. Þá sagðist hann vera kominn til Bretlands í þeim tilgangi að láta í sér heyra, að verða tekinn af dauðalistanum, og síðast en ekki síst til að stöðva mannskæðar drónaárásir Bandaríkjanna í heimahéraðinu.
Kemst ítrekað undan drónaárásum: Takið mig af „dauðalistanum“
Pakistani sem starfað hefur með friðarsamtökum í heimalandinu biðlar til bandarískra og breskra yfirvalda um að taka hann af „dauðalistanum“. Segist þegar hafa komist undan fjórum drónaárásum. Saklausir borgarar og börn eru oftar en ekki á meðal fórnarlamba slíkra árása. Fyrrverandi drónastýrimenn gagnrýna drónahernaðinn og segja hann vatn á myllu öfgamanna.
Birtist upphaflega í Stundinni fyrir 10 árum.
Athugasemdir