Börn Sýr­lensku borg­ar­innar Aleppo hafa tekið upp á því að brenna bíldekk til þess að draga „reyk-tjald“ yfir borg­ina í til­raun til þess að koma í veg fyrir að flug­vélar sleppi sprengjum á svæð­inu.

„Litlu hetj­urnar“ eins og börnin eru kölluð, eru meðal íbú­anna sem brenna dekk í rústum borg­ar­innar, vegna stöðugra loft­árása Sýr­lenskra stjórn­valda, Rúss­neska og Banda­ríska hers­ins sem og upp­reisn­ar­manna í land­inu.

Börnin vona að reyk­ur­inn hylji borg­ina nægi­lega vel til þess að flug­vél­arnar sem stöðugt sleppa sprengjum á borg­ina sjái ekki skot­mörk sín. Myndir sem birst hafa á sam­fé­lags­miðlum sýna börnin með brenn­andi hrúgur af dekkjum í bak­grunn. Börnin eru hluti þeirra 300.000 almennra borg­ara sem enn haf­ast við í Aleppo, en ástandið þar er veru­lega alvar­legt. Búist er við því að mat­ar­forði svæð­is­ins end­ist aðeins í nokkrar vikur í við­bót, og aðeins eru 25 læknar eftir í borg­inni, en síð­asti barna­lækn­ir­inn lést nú í Maí síð­ast­liðnum.

Teikning af brenn­andi dekki á rauðum bak­grunni hefur verið deilt víða upp á síðkastið til þess að und­ir­strika þann gríð­ar­lega vanda sem íbúar Aleppo standa frammi fyrir, en einnig hefur teikn­ing af barni að blása reyk á flug­vélar, sem er mynd­hverf­ing á barni að blása sápu­kúlur.

Rami Jarrah, aðgerð­ar­sinni og frétta­maður í Sýrlandi full­yrti að dekkja­brun­inn virk­aði. „Þetta veldur rugl­ing meðal flug­manna og dreifir einnig athygli her­manna sem berj­ast á jörðu niðri,“ sagði hann í sam­tali við BBC. „Allir taka þátt til þess að hjálpa and­stöð­unni en þetta er í raun­inni það eina sem börnin geta gert.“

Notendur twitter hafa verið virkir í umræð­unni um þetta úrræði og hafa myllu­merkin #Anger­ForA­leppo [e. Reiði fyrir Aleppo] og #AleppoUnderSiege [e. Aleppo umsetin] flogið hátt. „Þau eru hetjur“ sagði einn not­andi, á meðan annar bætti því við að þarna væri „loft­varn­ar­sveitin mætt á vakt.“