Xi ræddi við Trump um að taka Taívan

Xi Jinping, leið­togi Kína, og Donald Trump, for­seti Banda­ríkj­anna, ræddu tví­hliða sam­starf og mál­efni Taívans í sím­tali í dag, að því er rík­is­frétta­stofa Kína, Xinhua, greinir frá.

Xi sagði við Trump að löndin tvö ættu að „við­halda skrið­þunga í sam­skiptum sínum“, að sögn Xinhua, eftir fund í Suður-Kóreu í síð­asta mán­uði þar sem leið­tog­arnir tveir reyndu að draga úr hörðu við­skipta­stríði.

Xinhua sagði að Xi hefði einnig „áréttað að sam­ein­ing Taívans við Kína á ný væri mik­il­vægur hluti af alþjóða­skipan eft­ir­stríðs­ár­anna“.

Kína gerir til­kall til lýð­ræð­is­rík­is­ins Taívans og segir eyj­una hluta af yfir­ráða­svæði sínu. Kínversk stjórn­völd hafa hótað að beita valdi til að ná þar yfir­ráðum.

Trump og Xi hitt­ust í októ­ber í fyrsta sinn síðan 2019 og áttu í við­ræðum sem fylgst var náið með, þar sem tvö stærstu hag­kerfi heims hafa verið í við­skipta­stríði.

Deilur stjórn­valda í Washington og Peking, sem ná yfir allt frá sjald­gæfum jarð­málmum til soja­bauna og hafn­ar­gjalda, hafa skekið mark­aði og truflað aðfanga­keðjur mán­uðum saman.

Xi sagði við Trump í dag að „árang­urs­ríkur“ fundur í Suður-Kóreu „hefði hjálpað til við að stilla stefn­una og gefa skrið­þunga í stöðuga fram­rás risa­skips sam­skipta Kína og Banda­ríkj­anna“, eins og Xinhua orðar það.

Frá fund­inum hafa sam­skipti Kína og Banda­ríkj­anna „verið stöðug og haldið áfram að batna, sem hefur verið fagnað víða af báðum löndum og alþjóða­sam­fé­lag­inu“, bætti Xi við.

Innrás Rúss­lands í Úkraínu hefur talin vera lær­dóms­rík fyrir kín­versk stjórn­völd sem íhuga að sama skapi inn­rás í Taívan. Rússum hefur gengið verr en talið var fyr­ir­fram að knýja Úkraínu til upp­gjafar, en á móti hafa við­skipta­þving­anir ekki náð að beygja Rússland frá áfram­hald­andi stríði sem nú nálg­ast fjögur ár. Þá liggur nú fyrir að banda­rísk stjórn­völd eru því sem næst hætt að styðja Úkraínu í stríð­inu gegn Rúss­landi og hefur Trump gefið úkra­ínskum stjórn­völdum frest fram á fimmtu­dag til að verða við frið­ar­til­lögum Banda­ríkj­anna, sem hafa verið kall­aðar „óska­listi Pútíns“ vegna þess hversu hlið­hollar þær eru Rússum.