Rúmlega sextíu starfsmenn SÁÁ hafa undirritað vantraustsyfirlýsingu á hendur formanni SÁÁ og framkvæmdastjóra samtakanna. Áður höfðu forstjóri SÁÁ, Ragnheiður Hulda Friðriksdóttir og Þóra Björk Ingólfsdóttir, fagstjóri meðferðarstöðvarinnar Víkur, sagt upp störfum í ágúst vegna óánægju með stjórnina og ásakana um að stjórnin væri að hafa óeðlileg afskipti af faglegu starfi SÁÁ.

„Staðan er bara mjög alvarleg,“ segir Helga Katrín Jónsdóttir, læknir hjá SÁÁ, í samtali við Heimildina. Hún undirritar vantraustsyfirlýsinguna, ásamt 64 starfsmönnum SÁÁ.

RÚV greindi frá því í byrjun september að Valgerður Rúnarsdóttir, fráfarandi framkvæmdastjóri lækninga hjá SÁÁ, gagnrýndi stjórn SÁÁ fyrir afskipti af faglegu heilbrigðisstarfi samtakanna, og sagði slíkt óviðunandi. Hún treysti sér ekki til að vinna faglegt heilbrigðisstarf undir nýjum utanaðkomandi forstjóra og hafði einnig sagt upp störfum.

Í vantraustsyfirlýsingunni segir: „Sú alvarlega staða sem nú er komin upp innan SÁÁ verður að okkar mati ekki skýrð sem eðlilegar breytingar í stjórnun eða einstök starfsmannamál. Á skömmum …