Mennta­mála­ráðu­neytið hefur aldrei áður skipað einka­fyr­ir­tæki sem fram­kvæmda­að­ila fyrir hönd íslenska rík­is­ins í sam­starf­samn­ingi við erlent ríki líkt og gert var fyrr á árinu þegar Illugi Gunn­ars­son skrif­aði undir sam­starfs­samn­ing í orku­málum við kín­verska ríkið þar sem orku­fyr­ir­tækið Orka Energy fékk þetta hlut­verk. Þetta kemur fram í svari mennta­mála­ráðu­neyt­is­ins við spurn­ingu Stund­ar­innar um málið. Illugi vann fyrir Orku Energy sem ráð­gjafi árið 2011 og fékk greiddar um 6,8 millj­ónir króna frá fyr­ir­tæk­inu auk þess sem stjórn­ar­for­maður fyr­ir­tæk­is­ins keypti íbúð hans af honum eftir að hann lenti í fjár­hags­erf­ið­leikum.

Líkt og kemur fram í vilja­yf­ir­lýs­ing­unni um sam­starf land­anna á sviði orku­mála, sem Illugi skrif­aði undir ásamt vís­inda- og tækni­ráð­herra Kína, eru bæði rík­is­fyr­ir­tækið Orku­stofnun og Orka Energy fram­kvæmda­að­ilar að samn­ingum fyrir hönd íslenska rík­is­valds­ins. Samkvæmt svari frá mennta­mála­ráðu­neyt­inu er það eins­dæmi að einka­fyr­ir­tæki sé gert að slíkum fram­kvæmda­að­ila í samn­ingi íslenska rík­is­ins. Í sam­komu­lag­inu segir, en það er hluti af þeim gögnum sem mennta­mála­ráðu­neytið hefur gert opin­ber um opin­bera heim­sókn Illuga til Kína í mars síð­ast­liðnum: „Til að fram­kvæma það sem kemur fram í þessu sam­komu­lagi hefur vís­inda- og tækni­ráðu­neyti Kína ákveðið að skipa SINOPEC Star Petr­o­leum Co. Ltd, sem full­trúa Kína, og mennta­mála­ráðu­neyti Íslands hefur skipað Orku­stofnun, opin­bers orku­fyr­ir­tækis á Íslandi, ásamt Orku Energy Energy Ltd. til að vera fram­kvæmda­að­ila Íslands.“

Stóð ekki til að Orka yrði framkvæmdaaðili

Upp­haf­lega stóð ekki til að Orka Energy yrði fram­kvæmda­að­ili samn­ings­ins fyrir hönd íslenska rík­is­ins heldur aðeins rík­is­fyr­ir­tækið Orku­stofnun.