Þýski bílaframleiðandinn BMW tilkynnti í dag að hann hygðist taka í notkun tvö manngerð vélmenni, sem gædd eru gervigreind, í verksmiðju sinni í tilraunaverkefni í fyrsta sinn á þessu ári.

Vélmennin, sem kallast AEON og eru þróuð af sænska fyrirtækinu Hexagon, eru svarthvít, 1,65 metrar á hæð, vega 60 kíló og fara um á tveimur hjólum.

Þau geta meðhöndlað og fært íhluti sjálfstætt innan verksmiðju þar sem rýmið hefur áður verið fullskannað og stafrænt.

Nokkurra mánaða tilraunatímabil hefst í sumar í verksmiðju í Leipzig, þar sem starfsmenn munu vinna við hlið vélmennanna, sem líkjast mönnum í útliti.

Vélmennið „hefur fulla vitund um umhverfi sitt“ þökk sé 22 skynjurum og ýmsum gerðum myndavéla, sagði Arnaud Robert, forseti Hexagon Robotics.

Robert vildi ekki gefa upp verð vélmennanna en sagði að það væri talið í hundruðum þúsunda evra, eða tugmilljónum króna.

Vélmennið með gervigreind er „nógu gáfað til að taka eigin ákvarðanir“ …