Kristrún segir þjóðaratkvæði um ESB verða „á næstu mánuðum“

Kristrún Frosta­dóttir for­sæt­is­ráð­herra stað­festi á blaða­manna­fundi í Varsjá í dag að Íslend­ingar myndu ganga til þjóð­ar­at­kvæðis um að hefja aðild­ar­við­ræður við Evr­ópu­sam­bandið „á næstu mán­uðum“.

Í stjórn­ar­sátt­mála rík­is­stjórn­ar­innar kemur fram að þjóð­ar­at­kvæðið fari fram í síð­asta lagi vorið 2027, en erlendir miðlar hafa greint frá því að hún fari fram fyrr, eða næsta haust.

„Við stefnum nú að því á næstu mán­uðum – hugs­an­lega, þar sem við höfum ekki tekið end­an­lega ákvörðun um dag­setn­ingu, en á næstu mán­uðum að halda þjóð­ar­at­kvæða­greiðslu um að hefja aðild­ar­við­ræður Íslands um hugs­an­lega inn­göngu í ESB,“ sagði hún í frá­sögn breska blaðs­ins The Guardian.

Ummælin féllu eftir fund með pólska for­sæt­is­ráð­herr­anum Donald Tusk, sem kemur í fram­hald­inu af ferð Kristrúnar til Úkraínu af til­efni þess að fjögur ár eru frá inn­rás Rússa í landið.

Hún bætti við að í tví­hliða við­ræðum sínum við Tusk hafi þau „rætt ítar­lega um mik­il­vægi þess að skilja að þetta snýst um að opna tæki­færi“ og að auka sam­þætt­ingu Íslands við ESB, um leið og „virð­ing fyrir íslenskri sjálfs­mynd innan Evrópu“ sé varð­veitt.

Hún sagði að það væri mik­il­vægt fyrir Ísland að sjá að sér­stök norð­ur­slóða­auð­kenni þess væru „tekin til greina“, sem og eigin „lífs­hætti eða hvernig við nýtum auð­lindir okkar“.

Tusk sagð­ist vera „yfir sig ánægður“ að sjá Ísland ganga í sam­bandið og vís­aði til reynslu Póllands sem sýni­dæmi um far­sæla evr­ópska sam­þætt­ingu.

Hann var einnig sam­mála Kristrúnu um mik­il­vægi þess að tryggja að ESB „sýni öllum löndum virð­ingu“ og „komi jafnt fram við stærri og smærri lönd“.

Tusk lýsti ánægju sinni með að Ísland gengi „í sam­fé­lag okkar, jafn­vel þótt það þyrfti að breyt­ast svo­lítið fyrir það, vera sveigj­an­legra, og ég væri til­bú­inn að vinna með Kristrúnu að þessu [þar sem] það er í okkar sam­eig­in­lega þágu,“ sagði hann.

Færði gjöfDonald Tusk færði Kristrúnu Frosta­dóttir Prins Póló að gjöf, sem hún sagði vera upp­á­haldssúkkulaði föður hennar.

Mynd: AFP

Tusk vís­aði til reynsl­unnar af Brexit í Bret­landi sem rök­semda fyrir aðild að Evr­ópu­sam­band­inu.

„Besta sönn­unin fyrir því að það sé skyn­sam­legt að ræða aðlögun er kannski staðan í Bret­landi. Ef þú spyrð fólk ... um Brexit ... eru nýj­ustu kann­anir alveg skýrar um að 65% Breta myndu kjósa með ESB í dag; meira en 80% ungs fólks í Bret­landi eru hlynnt hugs­an­legri aðild að ESB. Ef þú hefur þessa reynslu af Brexit, veistu kannski miklu betur en aðrir að aðild að ESB er eitt­hvað mjög verð­mætt,“ sagði hann.

Kristrún sagði að rík­is­stjórn hennar myndi „hlusta á hvað sem íslenska þjóðin vill gera“, en þakk­aði honum fyrir ummæli hans þar sem hann við­ur­kenndi sér­stöðu Íslands.