Þjóðskrá Íslands hefur neitað Öldu Vigdísi Skarphéðinsdóttur um að fá nafn- og kynskráningu sína leiðrétta, þrátt fyrir að ný lög um kynrænt sjálfræði hafi tekið gildi hér á landi. Lögin kveða á um rétt einstaklinga til að ákvarða sjálfir kyn sitt og er tilgreint að sérhver einstaklingur, í samræmi við aldur og þroska, njóti til þess óskoraðs réttar. Ekki er önnur skilyrði þar um að finna í lögunum. Rök Þjóðskrár fyrir því að hafna ósk Öldu eru þau að hún eigi ekki lögheimili hér á landi. Ekkert kemur hins vega fram í lögunum sem styður þá túlkun Þjóðskrár. Alda hefur lagt fram stjórnsýslukæru á hendur Þjóðskrá vegna þessa.
Alda, sem búsett er í Berlín og hefur búið þar síðastliðin fimm ár, hóf kynleiðréttingarferli sitt þar ytra fyrir þremur árum og tók þá upp nafnið Alda Vigdís Skarphéðinsdóttir og notar kvenkyns persónufornöfn. Alda hafði beðið eftir gildistöku nýju laganna enda heimila þýsk lög ekki að erlendir ríkisborgarar fái leiðréttingu á kyn- og nafnskráningu sinni þar ytra. Hins vegar tekur hið opinbera í Þýskalandi að sér að breyta kyni og nafni í skrám sínum þegar fólk hefur fengið ný persónuskilríki gefin út í heimalandinu og getur framvísað þeim. Slíkt myndi skipta Öldu miklu máli enda óþolandi fyrir hana að geta ekki notað sitt rétta nafn í opinberum samskiptum í Þýskalandi, á leigusamningum, í starfsmannaskrám og svo framvegis. Þjóðskrá Íslands ber ábyrgð á útgáfu vegabréfa og vottorða um slíkar breytingar gagnvart íslenskum ríkisborgurum.
Hélt að um forritunarvillu væri að ræða
Hinn 1. september síðastliðinn ákvað Alda svo að sækja um leiðréttingu á kynskráningu sinni og nafni á vef Þjóðskrár. Ekki vildi hins vegar betur til en að Alda fékk þá upp tilkynningu á tölvuskjáinn hjá sér þar sem sagði: „Eingöngu einstaklingar sem eru með lögheimili á Íslandi geta óskað eftir breytingu á skráðu
Athugasemdir