Eflingu stétt­ar­fé­lagi var nýlega til­kynnt um að á einu af stóru hót­el­unum í Reykja­vík héngi uppi á töflu sér­stakur skammar­listi yfir þá starfs­menn sem taka sér flesta veik­inda­daga.

„Þetta er alvar­legt brot gegn per­sónu­vernd og frið­helgi einka­lífs starfs­fólks­ins,“ segir Halldór Oddsson, lög­fræð­ingur hjá ASÍ. „Við þessu gætu legið sektir. Við munum til­kynna Per­sónu­vernd um þetta mál.“ Þetta er haft eftir Halldóri í til­kynn­ingu frá Eflingu, en um er að ræða Grand Hótel.

Fram kemur að trún­að­ar­menn starfs­fólks hjá stórum hót­el­keðjum hafi upp­lýst Eflingu um að yfir­menn skrái nöfn þeirra sem leiti til stétt­ar­fé­lags­ins.

„Fólki eru gefin bein og óbein skila­boð að afleið­ingar fylgi því að tengj­ast stétt­ar­fé­lag­inu,“ segir Maxim Baru, yfir­maður félags­sviðs Eflingar. „Fólki er bók­staf­lega sagt að fara ekki til stétt­ar­fé­lags­ins. Mannauðs­deildir margra þess­ara fyr­ir­tækja hafa þá afstöðu að þau eigi starfs­fólkið – og að trún­að­ar­menn­irnir eigi að þjóna mannauðs­deild­inni, frekar en að vinna með starfs­fólki og stétt­ar­fé­lagi.“

Verka­lýðs­hreyf­ingin und­ir­býr nú verk­falls­að­gerðir sem bein­ast gegn hót­elum og rútu­fyr­ir­tækjum. Um er að ræða 25 hótel og tvö til þrjú rútu­fyr­ir­tæki. Rekstr­ar­að­ilar í hót­el­geir­anum hafa lýst þungum áhyggjum af áformunum.