Dóms­mála­ráðu­neytið ætlar að taka til skoð­unar á grund­velli almennrar eft­ir­lits­skyldu sinnar það verk­lag sýslu­manna að senda barna­vernd­ar­nefndum til­kynn­ingar um ofbeldi vegna umgengni­stálm­ana. Þetta kemur fram í nýlegum úrskurði ráðu­neyt­is­ins þar sem dag­sekt­ar­úr­skurður sýslu­manns gegn móður var stað­festur. 

Eins og Stundin greindi frá í fyrra skil­greina Sýslu­mað­ur­inn á höf­uð­borg­ar­svæð­inu og Sýslu­mað­ur­inn á Suð­ur­landi umgengni­stálm­anir sem ofbeldi gegn börnum og senda gjarnan barna­vernd­ar­nefndum til­kynn­ingar um slíkt ofbeldi eftir upp­kvaðn­ingu dag­sekt­ar­úr­skurða. 

Hrefna Frið­riks­dóttir, pró­fessor í fjöl­skyldu­rétti við Háskóla Íslands og einn af höf­undum frum­varps sem lá til grund­vallar end­ur­skoðun á barna­lögum árið 2012, sagði í sam­tali við Stundina að hún væri ósam­mála túlkun sýslu­manns. Barna­vernd­ar­nefndir á Íslandi og emb­ætti rík­is­sak­sókn­ara byggja ekki á sömu túlkun og sýslu­manns­emb­ættin í þessum efnum, enda er því hvergi slegið föstu í lögum, lög­skýr­ing­ar­gögnum eða dómafor­dæmum að tálmun á umgengni jafn­gildi ofbeldi.