Slys og veik­indi gera ekki boð á undan sér og geta orðið á jólum rétt eins og aðra daga. Þrátt fyrir að sjúk­lingar fái margir hverjir leyfi til að halda heim til fjöl­skyldna sinna yfir hátíð­irnar þá þarf að standa vakt­ina á sjúkra­húsum engu að síður því ekki eru allir nægi­lega frískir til að geta haldið heim á leið. Þá þarf líka vit­an­lega að manna bráða- og slysa­deildir þessa daga sem aðra.

Kristín Erla Sig­urð­ar­dóttir, hjúkr­un­ar­fræð­ingur á bráða­mót­töku Land­spít­ala, verður á vakt­inni kom­andi aðfanga­dags­kvöld og hún þekkir það líka vel að þurfa að vinna um hátíðir, það hefur hún oft gert áður. „Áður en ég varð hjúkr­un­ar­fræð­ingur vann ég sem sér­hæfður aðstoð­ar­maður og seinna sem sjúkra­liði þannig að allt í allt er ég búin að vinna hér á deild­inni í ein átta ár, í ýmsum hlut­verkum. Ég hef unnið hér bæði á aðfanga­dag og á aðfanga­dags­kvöld til að mynda.“

Spurð …