Kaja Kallas, æðsti full­trúi Evr­ópu­sam­bands­ins í utan­ríkis- og örygg­is­málum, kall­aði í morgun þing­kosn­ing­arnar í Rúss­landi „yfir­varp“ lýð­ræðis og sagð­ist leggja til refsi­að­gerðir gegn þeim sem aðstoð­uðu við að halda kosn­ing­arnar á hernumdum svæðum Úkraínu.

Sameinað Rússland, flokkur Vla­dimírs Pútíns Rúss­lands­for­seta, vann mik­inn meiri­hluta gegn mála­mynda­and­stöðu. Engum flokki sem lagð­ist gegn stríði Rúss­lands í Úkraínu var heim­ilað að bjóða fram.

„Svo­kall­aðar Dúmu­kosn­ingar marka enn eitt stórt áfallið fyrir lýð­ræðið í Rúss­landi. Aldrei lék vafi á nið­ur­stöð­unni,“ skrif­aði Kallas á X.

„Stjórn­völd í Kreml þögg­uðu niður and­ófs­raddir, komu í veg fyrir fram­boð eina skráða flokks­ins sem lagð­ist gegn stríð­inu í Úkraínu og úti­lok­uðu alþjóð­lega kosn­inga­eft­ir­lits­menn. Aðeins yfir­varp lýð­ræðis er eftir í Rúss­landi.“

Kallas sagð­ist hafa „lagt til aðgerðir gegn þeim sem greiða fyrir þessum sýnd­ar­kosn­ingum á hernumdum svæðum Úkraínu“.

Evr­ópu­sam­bandið hefur þegar beitt um 3.000 emb­ætt­is­menn, ein­stak­linga og lög­að­ila refsi­að­gerðum vegna stríðs­ins í Úkraínu, þar á meðal Pútín.