Breski auð­kýf­ing­ur­inn James Ratcliffe, sem keypt hefur upp jarðir á Norð­aust­ur­landi, hefur keypt félagið Græna­þing ehf. af Jóhann­esi Krist­ins­syni við­skipta­fé­laga sínum. Með kaup­unum eign­ast Ratcliffe 86,67% hlut í Veið­klúbbnum Streng og þar með veiði­rétt í Selá og Hofsá í Vopna­firði auk fleiri eigna. Frétta­blaðið greinir frá.

Tilkynnt var um kaupin á fundi Strengs í síð­ustu viku. Græna­þing ehf. var í 100% eigu Jóhann­esar í gegnum félagið Dylan Holdings SA í Lúx­em­borg. Jóhannes var áður kenndur við Fons og Iceland Express og hefur einnig verið aðsóps­mik­ill í jarða­kaupum á svæð­inu. Net félaga tengir hann og Ratliffe, en Dylan Holdings og Halcilla Limited Company, sem er í eigu þess síð­ar­nefnda, eru end­an­legir eig­endur jarð­anna allra að hluta.

Ratcliffe átti fyrir 34% hlut í Streng í gegnum félagið Fálka­þing, sem er stýrt af sam­starfs­mönnum hans hjá alþjóð­lega efna­fram­leiðsluris­anum Ineos. Fyr­ir­tækið starfar meðal ann­ars á sviði olíu- og gas­iðn­aðar og hefur í krafti stærðar sinnar og auðs Ratcliffe fengið sitt fram gagn­vart stjórn­völdum og stétt­ar­fé­lögum. Stundin hefur áður fjallað ítar­lega um verk­efni Ineos og deilur fyr­ir­tæk­is­ins við umhverf­is­vernd­ar­sinna og skatta­yf­ir­völd.

Með kaup­unum eign­ast Ratcliffe einnig hlut í fleiri jörðum á svæð­inu. Þær eru meðal ann­ars Áslaug­ar­staðir, Fag­ur­hóll, Fremri-Nýpur, Hauks­staðir, Hámund­ar­staðir, Hvamms­gerði og Þor­valds­staðir í Vopna­firði og nágrenni. Sumar átti hann fyrir að hluta.

Ratcliffe hefur lýst því yfir að mark­miðið sé að vernda við­kvæmt vist­kerfi ánna og hefur tals­vert verið gert til að bæta lax­gengi í þeim. Gísli Ásgeirs­son, fram­kvæmda­stjóri Strengs, hefur svarað fyrir verk­efni tengd jarða­kaupum hans við lax­veiðiár. Segir hann jarða­kaupin mik­il­væg til að tryggja upp­bygg­ingu lax­veiði á svæð­inu með meiri­hluta­stjórn á veiði­fé­lögum. Áhugi Ratcliffe á mála­flokknum sé ein­lægur.