Umboðs­maður Alþingis felldi niður 10 ára gam­alt frum­kvæð­is­at­hug­un­ar­mál í fyrra. Tilefni athug­un­ar­innar voru fréttir sem birt­ust í aðdrag­anda þing­kosn­ing­anna 2007, þegar góð­ærið stóð sem hæst, um að ráð­herrar Sjálf­stæð­is­flokks­ins og Fram­sókn­ar­flokks­ins hefðu und­ir­ritað vilja­yf­ir­lýs­ingar og samn­inga um veg­legan rík­is­stuðn­ing við verk­efni félaga­sam­taka. Til að mynda höfðu Árni Mathiesen fjár­mála­ráð­herra og Guðni Ágústs­son land­bún­að­ar­ráð­herra gefið út vilja­yf­ir­lýs­ingu um 80 millj­óna styrk til upp­bygg­ingar hesta­í­þrótta­að­stöðu á Gadd­staða­flötum við Hellu í Rangár­þingi ytra. Var fram­lagið háð því að Stóð­hesta­stöð við Gunn­ars­holt yrði seld og full­yrt að fjár­mála­ráð­herra hefði fengið heim­ild fyrir sölu stöðv­ar­innar. 

„Ástæða þess að ég ákvað að hefja athug­un­ina var að ég taldi mig hafa orðið varan við að ráðuneyti og stofn­anir ríkis­ins hefðu í auknum mæli gert samn­inga við aðila utan stjórnsýslu­kerf­is­ins sem hefðu í för með sér fjárhags­legar skuld­bind­ingar fyrir ríkis­sjóð, stundum veru­legar, án þess að afstaða Alþingis hefði áður legið fyrir,“ segir í bréfi umboðs­manns Alþingis til ráðu­neyt­anna sem Stundin fékk afhent á grund­velli upp­lýs­inga­laga. Benti umboðs­maður á að með þessum athöfnum væru ráð­herrar að vekja vænt­ingar hjá borg­urum og félaga­sam­tökum um fjár­muni og fram­kvæmdir rík­is­ins án þess að lög­gjaf­inn hefði tekið afstöðu til máls­ins. 

Umboðs­maður hóf athug­un­ina þann 18. sept­em­ber 2007 en felldi hana ekki niður fyrr en með bréfi til fjár­mála- og efna­hags­ráðu­neyt­is­ins og atvinnu­vega- og nýsköp­un­ar­ráðu­neyt­is­ins þann 11. maí 2017. Þar kemur fram að í ljósi breyt­inga sem orðið hafa á lagaum­hverfi rík­is­fjár­mála og og lagaum­gjörðar samn­ings­gerðar hins opin­bera við einka­að­ila telji emb­ættið ekki til­efni til að halda athug­un­inni áfram. Beinir umboðs­maður því til ráðu­neyt­anna að við fram­kvæmd nýrra laga­á­kvæða um opin­ber fjár­mál og samn­ings­gerð verði hugað að þeim álita­efnum sem urðu til­efni frum­kvæð­is­máls­ins.