ESB hyggst kenna börnum á gervigreind

Evr­ópu­sam­bandið lýsti því yfir í dag að það hygð­ist prófa vottun í „gervi­greind­ar­læsi“ fyrir skóla­börn. Hún er liður í við­leitni sam­bands­ins til að bregð­ast við áhrifum þess­arar ört vax­andi tækni á menntun.

„Hún mun hjálpa ungum nem­endum að skilja hvernig gervi­greind virkar, sann­reyna það sem hún segir þeim, koma auga á til­raunir til að hafa áhrif á þau og vita hvenær á að slökkva á henni,“ sagði Roxana Minzatu, vara­for­seti fram­kvæmda­stjórnar Evr­ópu­sam­bands­ins.

Fram­kvæmda­stjórnin sagði að stefnt væri að því að inn­leiða nýju vott­un­ina fyrir 15 ára nem­endur skóla­árið 2027–2028.

Kennarar og nem­endur um allan heim glíma nú við áhrif gervi­greindar í skóla­stofum.

ESB ræður ekki mennta­stefnu aðild­ar­ríkj­anna 27, en styður þegar verk­efni sem kanna hvernig nýta megi gervi­greind á öruggan hátt við kennslu barna.

Á sama tíma vinnur fram­kvæmda­stjórnin að lög­gjöf sem tak­markar aðgang ungra ung­linga að sam­fé­lags­miðlum.

Minzatu sagði að þessar tvær …