„Karma kamelljón“ gleður Ísraela

Þegar Boy George steig fram á þétt­setnum leik­vangi í Tel Avív brut­ust út fagn­að­ar­læti. Þau voru ekki aðeins til marks um við­var­andi vin­sældir söngv­ar­ans, sem er 65 ára, heldur einnig gleði Ísraela yfir því að alþjóð­leg popp­stjarna skyldi vilja koma fram í Ísrael, sem er sífellt ein­angr­aðra.

Hér og þar í áhorf­enda­sk­ar­anum sáust ísra­elskir fánar þegar hinn lit­ríki söngv­ari Culture Club, sem sló í gegn með lag­inu karma chameleon árið 1983, steig á svið í pall­í­ettu­jakka í gær. Uppselt var á tón­leik­ana og hann heils­aði ein­fald­lega með orð­inu „Shalom!“

Breski söngv­ar­inn er einn fárra alþjóð­legra lista­manna sem hafa ekki látið undan kröfum um menn­ing­ar­snið­göngu á Ísrael. Þær hafa orðið hávær­ari vegna hern­að­ar­að­gerða Ísraels á Gasa eftir árás Hamas 7. októ­ber 2023.

„Í menn­ing­ar­legu til­liti er hann það stór­kost­leg­asta sem hefur komið fyrir okkur,“ sagði Nachum, sem hefur verið aðdá­andi Boy George í meira en 40 ár, við …