Endalok MAGA? Heimur án Trumps fram undan

Er loks­ins farið að slá á MAGA-æðið? Mun banda­ríska hægr­inu takast að losa sig við popúl­íska hug­mynda­fræði Donalds Trumps og hverfa aftur til hefð­bundn­ari íhalds­stefnu?

Eftir afger­andi ósigur í þing­kosn­ingum á miðju kjör­tíma­bili, sem sner­ust fyrst og fremst um einn mann, veltu margir repúblikanar því fyrir sér í gær hvert flokk­ur­inn stefnir og hvort Trump for­seti muni eiga þátt í að móta fram­tíð hans.

Leið­ar­a­síður Wall Street Journal hafa talist vera málsvari hins hefð­bundna hægris. Þar er nú kraf­ist „sjálfs­skoð­unar“ og hvatt til þess að horfið verði frá þeirri öfga­þjóð­ern­is­hyggju og orð­ræðu um sjálfs­mynd sem stuðl­aði að valda­töku for­set­ans, sem er kom­inn á níræð­is­aldur.

„Tollar og fjölda­brott­vís­anir koma ekki í stað hækk­andi raun­tekna. Það að höfða til MAGA-karla­klúbbs­ins kemur ekki í stað þess að sann­færa kjós­endur af rómönskum upp­runa, óháða kjós­endur og sveiflu­kjós­endur í úthverfum, sem sneru baki við flokknum á þriðju­dag,“ skrif­aði rit­stjórn blaðs­ins í gær­morgun.