Sjálfstæðisflokkurinn birti í dag myndrit á Facebook þar sem sjá má sprengingu í útgjöldum til heilbrigðismála. Hvernig má slíkt vera meðan Landspítali lýsir yfir neyðarástandi og reynsla almennings og heilbrigðisstarfsfólks endurspeglar ekki þann raunveruleika sem myndin virðist tjá?
![](/media/uploads/images/thumbs/K1trK86OQAX8_1080x1152_oVIvSen0.jpg)
Ein skýring er sú að landsmönnum hefur fjölgað á tímabilinu. Önnur er sú að þjóðin er að eldast. Þriðja skýringin er gríðarleg fjölgun ferðamanna, en ferðamenn nýttu 10% rýma á gjörgæslu í fyrra. Enn önnur getur verið aðferðin sem notuð er til núvirðingar.
Nú vill svo til að Hagstofan birtir gögn um heilbrigðisútgjalda hins opinbera, staðvirt á mann með vísitölu samneyslunnar. Vísitala samneyslunnar mælir kostnað við opinbera þjónustu, líkt og vísitala neysluverðs mælir kostnað á neysluvörum og húsnæði.
Þá blasir við önnur mynd.
![](/media/uploads/images/thumbs/GRGwW5lxhVL0_1080x690_oVIvSen0.jpg)
Athugasemdir