Tillögur Úkraínu og Evr­ópu­ríkja um hvernig binda megi enda á stríðið í Úkraínu voru ekki sér­lega efn­is­ríkar, að sögn rúss­neskra stjór­valda í Kreml. Steve Witkoff, erind­reki Banda­ríkj­anna, kynnti Vladimír Pútín for­seta þær í dag.

Stjórn Vla­dimírs Pútín bætti þó við að Rússland væri reiðu­búið að hefja þrí­hliða við­ræður við Úkraínu og Banda­ríkin á ný í nóv­em­ber.

Witkoff ræddi við Pútín í meira en þrjár klukku­stundir í Sankti Pét­urs­borg í dag. Banda­ríkja­stjórn leit­ast við að blása nýju lífi í við­leitni til að binda enda á stríðið í Úkraínu, sem hefur lengi verið í sjálf­heldu.

Átökin, sem nú standa á fimmta ári, eru þau mann­skæð­ustu í Evrópu frá síð­ari heims­styrj­öld.

„Steve Witkoff gerði Vladimír Pútín grein fyrir því sem rætt var í Ósló,“ sagði Júrí Úsjakov, aðstoð­ar­maður í Kreml, við frétta­menn. Hann vís­aði til við­ræðna sem Witkoff átti við úkra­ínska og evr­ópska emb­ætt­is­menn í Noregi í …