Hveragerði liggur á svæði þar sem 10% mesta hættan er á vá vegna hraunflæðis, komi til eldgosa í einu af tveimur eldstöðvakerfum sem geta haft áhrif á bæinn. Þetta kemur fram í nýju hættumati Veðurstofu Íslands vegna eldgosavár á Reykjanesskaganum og höfuðborgarsvæðinu.
Þá er talið mögulegt að gosopnun geti verið innan bæjarins, þótt margfalt líklegra sé að slíkt gerist ofar, í Henglinum eða Hrómundartindi. Mikil óvissa er um hvenær eða hvort slíkt gos verði á næstu áratugum eða hundruðum ára, en eftir að goshrina hófst í eldstöðvakerfunum Fagradalsfjalli og Svartsengi/Reykjanesi er horft til sögulega fordæma um að önnur elstöðvakerfi hafi vaknað áratugum síðar, þá líklegast Krýsuvík, Hengilsvæðið, Brennisteinsfjöll eða Hrómundartindur.
„Þéttbýlin Grindavík og Hveragerði á svæðum sem eru á efsta hættustigi, þ.e. í efstu 10% líkum á hraunavá,“segir í kynningu Veðurstofunnar á nýju hættumati. Þar er bent á að skammt norður af Grindavík eru líkleg gosupptök, en þau eru hugsanleg allt niður í suðurhluta bæjarins.
Í Hveragerði eru metnar „nokkrar“ líkur á að gosopnun verði inni í byggð, en tekið er fram að mun meiri líkur séu á að hraun flæði en komi þar upp. „Hveragerði er aðeins á efsta hættustigi vegna líklegs hraunflæðis.“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Eldsumbrot á Reykjanesskaga
Ný hverfi í byggingu á mögulegu áhrifasvæði eldgosa
Eldgos geta komið upp í efri byggðum höfuðborgarsvæðisins
Athugasemdir