Ég heiti Jean Zamora Dalmao og kem frá Filippseyjum. Ég er háskólanemi en fékk tækifæri til þess að koma hingað til Íslands fyrir tveimur árum að vinna sem au pair. Það er skemmtilegt.
Núna er ég í námshléi og stefni svo á að fara héðan til annars lands í Evrópu áður en ég held áfram með ljósmóðurnámið mitt. Ég hefði útskrifast í fyrra en ákvað frekar að koma hingað vegna þess að þetta er einstakt tækifæri. Systir mín bjó þegar á Íslandi og ég hafði ekki séð hana í fimm ár.
Í grunnskóla átti maður að velja hvað maður vildi starfa við í framtíðinni. Ég valdi að þjóna fólki, til dæmis með því að starfa við heilbrigðisþjónustu. Í ljósmóðurnáminu höfum við farið í verknám inni á spítala. Það var ógnvekjandi. Mamman sem var að fæða var líka hrædd. Sem heilbrigðisstarfsmaður máttu ekki sýna hræðslu en innst inni vorum við líka hræddar. Barn er kraftaverk.
Kúltúrinn hér á Íslandi er magnaður. Það er mikill munur á Íslandi og Filippseyjum. Þegar ég kom hingað fannst mér verslunarmiðstöðvarnar svo stórar. Fólkið í Filippseyjum er glaðlegt en hér labbar ókunnug manneskja fram hjá þér og segir góðan daginn.
Sem au pair er maður partur af fjölskyldunni. Ég er sjálf úr stórri fjölskyldu svo ég tengist íslensku fjölskyldunni vel.
Það sem veitir mér mestu gleðina núna er að vera hér á Íslandi og upplifa veðurbreytingarnar og kynnast fólkinu.
Fólkið í borginni
Sigrarnir mótast af baklandinu
„Af hverju situr þú þá hér í þessu láglaunastarfi?“
„Sárið er enn opið“ 36 árum eftir að hún fæddi andvana barn
Þurfti að æfa glímu í stað fimleika
„Þakklát fyrir öll mín forréttindi“
Athugasemdir