Fram­kvæmda­stjóri Félags atvinnu­rek­enda segir það sóun á skatt­pen­ingum ef ríkið stofnar nýtt fyr­ir­tæki í sam­keppni við fyr­ir­tækið Auðkenni til að bjóða raf­ræn skil­ríki. Hátt verð sé mögu­lega ástæðan ef rík­inu tekst ekki að kaupa Auðkenni, en ríkið hafi fært einka­að­il­anum verð­mætin í hend­urnar með því að smala fólki í við­skipti við Auðkenni vegna skulda­leið­rétt­ing­ar­innar.

Stundin fjall­aði nýverið um fyr­ir­huguð kaup rík­is­ins á Auðkenni, sem hefur verið rekið með tapi nær allar götur síðan ríkið gerði sam­starfs­samn­ing við fyr­ir­tækið árið 2007. Fram­kvæmda­stjóri Auð­kennis starf­aði hjá fjár­mála­ráðu­neyt­inu þegar samn­ing­ur­inn var gerður en réði sig í kjöl­farið til fyr­ir­tæk­is­ins. Stjórn­völd beindu síðar almenn­ingi í við­skipti við fyr­ir­tækið í tengslum við skulda­leið­rétt­ing­una svoköll­uðu.

Fjármála- og efna­hags­ráðu­neytið hefur ekki svarað fyr­ir­spurn Stund­ar­innar um hvar samn­inga­við­ræður um kaup á Auðkenni standa. Ekki er vitað hvort eitt­hvað …