Hér­aðs­dómur mun taka mál Jóns Baldvins Hanni­bals­sonar, fyrr­ver­andi ráð­herra og sendi­herra, til efn­is­með­ferðar. Lands­réttur felldi á föstu­dag úr gildi frá­vís­unar­úr­skurð hér­aðs­dóms í mál­inu.

Jóni Baldvini er gefið að sök að hafa laug­ar­dag­inn 16. júní 2018 á heim­ili sínu í Salobreña á Spáni strokið utan­klæða rass Carmenar, sem var gestur á heim­ili hans. Greindi Stundin í upp­hafi árs 2019 frá fram­burði hennar og fleiri kvenna um kyn­ferð­is­lega áreitni. Krefur hún Jón Baldvin um eina milljón í miska­bætur, en hann krafð­ist frá­vís­unar og málsvarna­launa úr rík­is­sjóði.

Hér­aðs­dómur vís­aði mál­inu frá í byrjun árs. Í munn­legum mál­flutn­ingi hafði Vil­hjálmur Vil­hjálms­son, verj­andi Jóns Baldvins, talið þýð­ingu á spænskri laga­grein gefa það í skyn að ákvæðið ætti ekki við um þann verknað sem Jón Baldvin er sak­aður um. Ekki lægi fyrir „gild yfir­lýs­ing frá þar til bærum spænskum yfir­völdum“ um að hátt­semin væri refsi­verð sam­kvæmt spænskum lögum, en refsa skal íslenskum rík­is­borg­ara eftir íslenskum hegn­ing­ar­lögum fyrir verknað fram­inn erlendis ef brotið er framið á stað sem refsi­vald ann­ars ríkis nær til að þjóða­rétti og var þá jafn­framt refsi­vert eftir lögum þess ríkis. Hér­aðs­sak­sókn­ari kærði frá­vís­unar­úr­skurð­inn til Lands­réttar.

Þrír dóm­arar Lands­réttar úrskurð­uðu í mál­inu á föstu­dag og felldu frá­vísun hér­aðs­dóms úr gildi. „Þótt íslensk þýð­ing hins spænska laga­á­kvæðis sem liggur fyrir í mál­inu sé ekki hnökra­laus verður af orða­lagi þess ráðið að það taki til kyn­ferð­is­legrar áreitni í skiln­ingi 1. mgr. 199. gr. almennra hegn­ing­ar­laga, sem sam­kvæmt lög­skýr­ing­ar­gögnum felst meðal ann­ars í hvers konar snert­ingu á lík­ama ann­arrar mann­eskju sem er and­stæð góðum siðum og sam­skipta­háttum,“ segir í úrskurði Lands­réttar.

Málið fer því aftur til hér­aðs­dóms, sem tekur málið til efn­is­með­ferðar.