Fæð­ing­ar­tíðni íslensku þjóð­ar­innar er í sögu­legu lág­marki, en á sama tíma hefur mennta­stig og atvinnu­þátt­taka kvenna aldrei verið hærra. Ísland trónir iðu­lega á toppi heims­mæli­kvarða yfir kynja­jafn­rétti, en í jafn­réttisparadís­inni er þó víða pottur brot­inn. Vinna innan heim­ilis leggst í ójöfnum mæli á herðar kvenna þrátt fyrir að þær jafni hlut­deild karla á vinnu­mark­aði. Samhliða því er fjar­vera frá vinnu­mark­aði sökum fæð­ing­ar­or­lofs steinn í götu kvenna á frama­braut. Vaxandi fjöldi íslenskra kvenna hefur tekið þá ákvörðun að eign­ast ekki börn, þvert á vænt­ingar sam­fé­lags­ins um hlut­verk kvenna.

Blaða­maður Stund­ar­innar ræddi við Ingunni Odds­dóttur og Silju Jóhann­es­dóttur um ákvörðun þeirra um að snið­ganga barn­eignir, en þær lýsa báðar afskipta­semi og for­dómum í sinn garð. Silja, 41 árs, segir mik­il­vægt að konur fái að lifa eftir sínu eigin höfði, óháð kynj­uðum vænt­ingum um eðli og til­gang kvenna. „Ég vil að ungar konur viti að þetta er raun­veru­legur val­mögu­leiki og ekk­ert til að …