Þingflokkur Pírata hefur sent formlegt erindi til ÖSE þar sem kallað er eftir því að stofnunin skipuleggi kosningaeftirlit í haust. Frá þessu greindi Andrés Ingi Jónsson, þingmaður flokksins, í þingræðu í dag. Andrés sagði að í fulltrúar lýðræðis- og mannréttindaskrifstofu ÖSE hefðu fundað með ýmsum hér á landi í síðustu viku til þess að meta þörfina á kosningaeftirliti í komandi alþingiskosningum sem fara munu fram í september.
„Sjálfur sat ég tvo fundi. Þar lýsti ég áhyggjum af stöðu fjölmiðla, sérstaklega í ljósi þess sem við þá vissum, hvernig Samherji hefur undanfarna mánuði beitt sér gegn Helga Seljan vegna frétta um starfsemi fyrirtækisins í Namibíu,“ sagði Andrés. „Slíkar aðgerðir geta hæglega haft kælandi áhrif á gagnrýna fjölmiðla sem aftur hefur neikvæð áhrif á möguleika okkar til að tryggja frjálsar og sanngjarnar kosningar.“
Andrés sagði stöðuna hafa gjörbreyst síðan að umræddir fundir voru haldnir og vísaði í kjölfarið í umfjöllun Kjarnans og Stundarinnar um hina svokölluðu „skæruliðadeild“ Samherja. Auk þess sem hún hefði beitt sér gegn einstökum blaðamönnum og fjölmiðlum hefði hún reynt að hafa áhrif á val formanns Blaðamannafélagsins og á prófkjör Sjálfstæðisflokksins. [links]
„Þetta er grafalvarleg staða. Í kosningum sem munu meðal annars snúast um eignarhald þjóðarinnar á fiskveiðiauðlindinni þá er stórhættulegt að fjársterkt útgerðarfyrirtæki beiti sér með þessum hætti gegn gervöllu gangverki lýðræðisins beiti hagnaðinum af þessari sömu auðlind í herferðir gegn pólitískum andstæðingum, opinberri umræðu og frjálsum fréttaflutningi,“ sagði Andrés.
Hann sagðist vænta þess að forseti þingsins sem og aðrir flokkar muni taka undir með þingflokki Pírata, „enda er það hagur allra jafnt innan sem utan þessara veggja, að kosningarnar fram undan litist ekki af andlýðræðislegum afskiptum eins og þeim sem við höfum fengið að kynnast.“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
kosningar2021
Allir formenn stjórnarflokkanna tapað umtalsverðu trausti á kjörtímabilinu
Tíð ríkisstjórnarskipti og kórónuveiran hafa stóraukið nýtingu fjáraukalaga
Kristrún Frostadóttir verður ein í framboði til formanns Samfylkingarinnar
Guðmundur Árni býður sig fram til varaformanns en Heiða hættir við framboð
Kristrún vill að aðildarviðræður að ESB verði lagðar í þjóðaratkvæðagreiðslu
Athugasemdir