Trump hringdi í ríkisstjórann og hvatti til aðgerða til að ógilda sigur Bidens

Donald Trump hringdi í rík­is­stjóra Georgíu í gær­morgun og hvatti hann til að grípa til aðgerða svo ógilda mætti sigur Joe Bidens í rík­inu. „Ef við sigrum í Georgíu mun allt annað ganga eftir,“ skrif­aði Trump á Twitter í gær. „Ég mun auð­veld­lega vinna í Georgíu“ ef Brian Kemp rík­is­stjóri leyfir ein­falda end­ur­skoðun und­ir­skrifta“ skrif­aði for­set­inn einnig og bætti við: „Hvers vegna segir þessi „repúblikani“ nei?“

Í sím­tal­inu bað Trump rík­is­stjór­ann Brian Kemp, sem er repúblikani, um að fyr­ir­skipa end­ur­skoðun á und­ir­skriftum póst­at­kvæða. Um er að ræða enn ein per­sónu­leg afskipti for­set­ans af kosn­ing­unum sem fram fóru í byrjun nóv­em­ber.

[adspot]

Í frétt Washington Post um málið er haft eftir nafn­lausum heim­ild­ar­mönnum að í sím­tal­inu hafi Trump þrýst á Kemp að boða til sér­staks þing­fundar þar sem þing­menn myndu ógilda nið­ur­stöður kosn­ing­anna og velja kjör­menn sem myndu styðja Trump í kjör­manna­ráð­inu.

Samkvæmt heim­ildum blaðs­ins hafn­aði Kemp beiðni for­set­ans enda hefur hann ekki vald til að krefj­ast end­ur­skoð­unar á kjör­seðl­unum þó að hann hafi opin­ber­lega sagst styðja slíka skoðun.

Tals­maður rík­is­stjór­ans stað­festir að hann hafi rætt við Trump í síma.

Kosn­ingateymi Trumps höfð­aði í kjöl­far kosn­ing­anna mál í mörgum ríkjum þar sem það taldi svindl hafa átt sér stað. Á föstu­dag tap­aði teymið slíkum málum í sex ríkjum, m.a. í Arizona og Nevada.

Trump er sagður sér­stak­lega ósáttur við kosn­inga­úr­slitin í Georgíu og í frétt Washington Post segir að hann hafi reiðst mjög er yfir­völd þar stað­festu sigur Bidens.