Skattrannsóknarstjóri fékk nýlega gögn frá namibískum yfirvöldum

„Skatt­rann­sókn­ar­stjóra hafa nýlega borist gögn frá namibískum yfir­völdum. Ekkert frekar er hægt að upp­lýsa um það á þessu stigi, þ. á m. að hverjum þau bein­ast.“

[links]Þetta segir í svari Bryn­dísar Krist­jáns­dóttur skatt­rann­sókn­ar­stjóra við fyr­ir­spurn Kjarnans um hvort að emb­ætt­inu hafi borist gögn sem tengj­ast meintum skattsvikum íslensks fyr­ir­tækis í Namibíu. Bryndis seg­ist hins vegar ekki geta tjáð sig um ein­stök mál.

Í frétta­skýr­ing­ar­þætt­inum Kveik sem sýndur var í gær­kvöldi kom meðal ann­ars fram að vís­bend­ingar væru um að greiðslur upp á að minnsta kosti 1,4 millj­­arða króna frá Sam­herja til hóps sem inn­i­heldur meðal ann­­ars tvo ráð­herra í Namib­­íu, séu mút­u­greiðslur og að við­­skipti fyr­ir­tæk­is­ins í Afr­ík­u­land­inu séu skýr dæmi um spill­ing­u.

Um­fjöll­unin var unnin í sam­starfi Kveiks, Stund­ar­innar, Al Jazeera og Wikileaks.

Þar kom einnig fram að rök­studdur grunur sé um stór­fellda skatta­snið­göngu Samherja við að koma ágóð­anum af þeim við­skiptum sem fyr­ir­tækið stund­aði þar undan og til skatta­skjóla. Þá liggur fyrir að norski bank­inn DNB, sem er að hluta til í eigu norska rík­is­ins, stöðv­aði við­skipti við félög tengd Samherja á Kýpur og Marshall-eyjum vegna þess að reglur um varnir gegn pen­inga­þvætti voru ekki upp­fyllt. Þau mál eru til skoð­unar hjá norsku efna­hags­brota­deild­inni og deildar emb­ættis hér­aðs­sak­sókn­ara þar í landi, sam­kvæmt Stund­inni.

Kjarninn greindi frá því í gær­kvöldi að Jóhannes Stef­áns­son, sem var verk­efna­stjóri Sam­herja í Namibíu fram til árs­ins 2016, og steig fram í Kveik-þætti kvölds­ins, hefði rætt við starfs­menn hér­aðs­sak­sókn­ara í gær.

[adspot]„Við munum taka efni þessa þáttar til skoð­unar og metum það sem þarna kemur fram ásamt öðrum gögnum sem emb­ættið hefur aflað sér til þess að taka afstöðu til þess sem verður gert í fram­hald­in­u,“ sagði Ólafur Þór Hauks­son hér­aðs­sak­sókn­ari í sam­tali við Kjarn­ann aðspurður um hvort að emb­ættið sé með meintar mút­ur­greiðslur og ýmis önnur meint lög­brot, eins pen­inga­þvætti og skatt­svik, Sam­herja í Namibíu og Nor­egi til skoð­un­ar.

Jóhannes við­ur­kenndi í Kveiks-þætt­inum að hafa brotið lög fyrir hönd Sam­herja þegar fyr­ir­tækið náði í umtals­verðan kvóta í Namib­íu. Þar kom einnig fram að Jóhannes hefði gefið sig fram við yfir­­völd í Namib­­íu, hefði fengið laga­­lega stöðu upp­­­ljóstr­­ara og aðstoð­aði nú við rann­­sókn þeirra á starfs­háttum Sam­herj­­a.