Karolina Fund: Litlir staðir, stórar hugmyndir

ÚR VÖR er vefrit sem fjallar um hvernig fólk á Vest­fjörðum og víðs vegar um landið notar skap­andi aðferðir til að leita lausna. ÚR VÖR er stað­sett á Vest­fjörðum og verður áherslan lögð á þann lands­fjórð­ung en mik­il­vægt er að veita öðrum fjórð­ungum athygli og verður það gert.

Hvernig vakn­aði hug­myndin að verk­efn­inu?

Eftir að hafa búið skamman tíma á Vest­fjörðum átt­uðum við okkur á því að það er margt að ger­ast á lands­byggð­inni varð­andi nýsköpun, menn­ingu, listir og frum­kvöðla­starf.

[adspot]Og það sem er merki­legt eru þær aðferðir sem fólk notar til að ná fram mark­miðum sínum á svæðum þar sem ekki allt er fáan­legt. Fólk verður því að nota hug­mynda­flug og beita sköp­un­ar­krafti og er það aðdá­un­ar­vert. Svo ekki sé minnst á allt það list­ræna fólk sem býr í bæjum og sveitum lands­ins. Okkur fannst vanta miðil sem miðlar þessum sögum, eflir lands­byggð­ina og veitir öðrum inn­blástur.

Segðu okkur frá þema verk­efn­is­ins?

Það er nú þannig að lífið er ekki bara salt­fiskur og viljum við veita því góða starfi sem
unnið er víða athygli. Það má segja að rauði þráð­ur­inn í verk­efn­inu sé sá að það er ávalt gott ef fólk hugsar út fyrir kass­ann og leitar lausna með óhefð­bundnum hætti. Einnig er mik­il­vægt að muna það að hættu­legt getur reynst að setja of mörg egg í sömu körf­una og því viljum við varpa ljósi á hversu fjöl­breytt verk­efni fólk er að taka sér fyrir hendur og hvað hægt er að gera þegar vilj­inn er fyrir hendi. Það getur virst vera langt á milli lands­horn­anna en ÚR VÖR getur vel verið vett­vangur sem sam­einar, styrkir og færir fólk nær hvort öðru.

Það er ekki þannig að ÚR VÖR sé ein­göngu mið­ill fyrir lands­byggð­ina. Það er mik­il­vægt að fólkið í höf­uð­borg­inni fái rétta mynd af lands­byggð­inni. Í dag, t.d. vegna þess hvernig staðan er á hús­næð­is­mark­aðnum og hvað mikið áreiti er í borg­inni, þá eru ófáir sem geta vel hugsað sér að flytja frá borg í sveit. Og það eru svo margir kostir við að taka það skref og gott væri að til staðar væri mið­ill sem getur miðlað því á góðan hátt. Einnig er mik­il­vægt að fólk átti sig á því að það eru ekki bara ein­hverjir krútt­legir hlutir sem fara fram úti á landi.

Hér býr klárt og fram­bæri­legt fólk sem er síður og svo aft­ar­lega á mer­inni hvað varðar
t.a.m. nýsköpun og það er morg­un­ljóst að lands­byggð­ar­fólk getur líka verið fólki í
höf­uð­borg­inni inn­blástur. Þetta þarf ekki og á ekki að vera alltaf „við” á móti „þeim” heldur getur fólk unnið saman og hjálpað hvort öðru, hvar sem það býr.

Verk­efnið má finna hér.