Icelandair hrynur í verði

Hluta­bréfa­verð Icelandair hefur lækkað um rúm 10 pró­sent frá opnun mark­aða í dag í kjöl­far birt­ingar árs­fjórð­ungs­upp­gjörs félags­ins í gær­kvöldi.

Kjarninn fjall­aði um nið­ur­stöður upp­gjörs­ins í gær, en flug­fé­lagið tap­aði 2,7 millj­örðum íslenskra króna á fjórð­ungnum og hefur því tapað alls 6,4 millj­örðum króna það sem af er ári. Heild­ar­tekjur félags­ins juk­ust um 9% milli ára. Á sama tíma jókst kostn­að­ur­inn þó um 18%, en þar vó hæst almennur flug­kostn­aður.

Mark­aðsvirði félags­ins hefur lækkað ört á þessu ári, en lækk­unin var skörpust eftir birt­ingu afkomu­vör­unar í fyrir annan árs­fjórð­ung 9. júlí síð­ast­lið­inn. Í við­vör­un­inni var afkomu­spá þeirra lækkuð um 30%, en í kjöl­farið lækk­aði hluta­bréfa­verð flug­fé­lags­ins um 24%.

Í dag hefur Icelandair svo orðið fyrir annarri snar­pri lækkun, en það sem af er degi hefur mark­aðsvirði fyr­ir­tæk­is­ins lækkað um 10,44 pró­sent í 77 millj­óna króna við­skiptum.