Segja spurningum enn ósvarað um WOW og Icelandair

Vefsíða Túrista segir ýmsum spurn­ingum ósvarað um stöðu WOW og Icelandair í ljósi nei­kvæðra afkomutil­kynn­inga félag­anna beggja í síð­ustu viku. Þar á meðal er spurt hvort WOW sé enn óvarið elds­neyt­is­verð­hækk­unum og hversu háar upp­hæðir íslenskir bankar hafa lánað þeim.

Hugs­an­leg aðkoma Arion banka að rekstri flug­fé­lag­anna var til umræðu í frétt­inni, en bank­inn jók útlán sín til sam­göngu­fyr­ir­tækja í ferða­þjón­ust­unni um 11 millj­arða árið 2017. Ekki hafa feng­ist upp­lýs­ingar um hvaða fyr­ir­tæki fengu þessi lán, en í frétt­inni er spurt hvaða augum for­svars­menn Arion líta á stöð­una ef stór hluti lána­aukn­ing­ar­innar fór til flug­fé­lag­anna tveggja.

[links]Kjarninn hefur áður greint frá stöðu flug­fé­lag­anna, en margir grein­ing­ar­að­ilar töldu rekstur þeirra mik­il­vægan fyrir íslenskt efna­hags­líf. Sam­an­lögð hlut­deild beggja félaga af far­þegum til og frá land­inu er um 80%, en sam­kvæmt Elvari Inga Möller sér­fræð­ingi í grein­ing­ar­deild Arion banka myndi sam­dráttur í fram­boði þeirra hafa kerf­is­læg áhrif.

Í frétt­inni var því líka velt upp hvort fjár­hags­staða WOW air sé enn tryggð út árið 2019, líkt og félagið til­kynnti um miðjan nóv­em­ber í fyrra, vegna sölu á tveimur Airbus þotum. Þar að auki var spurt hvort umrædd sala hafi bætt upp enn stærra tap WOW air en kemur fram í nýbirtri rekstr­ar­nið­ur­stöðu sinni fyrir árið 2017. [adspot]

Einnig var spurt um hvort staða flug­fé­lag­anna tveggja gagn­vart rekstr­ar­kostn­aði væri enn óbreytt, en Skúli Mogensen for­stjóri og eig­andi WOW air sagði félagið ekki varið verð­hækk­unum á olíu í við­tali við Túrista í febr­úar. Rúmur helm­ingur elds­neytis­kaupa Icelandair er hins vegar var­inn til tólf mán­aða og ættu þeir því að vera betur í stakk búnir til að bregð­ast við hærra olíu­verði í fram­tíð­inni, sé kostn­að­ar­upp­bygg­ing WOW óbreytt.