Vill binda í lög að horft sé til loftslagssjónarmiða þegar veittar eru ívilnanir til fjárfestingaverkefna

Katrín Jak­obs­dóttir, for­maður Vinstri grænna, hefur lagt fram frum­varp um að fest verði í lög að horft sé til mark­miða Íslands í lofts­lags­málum þegar veittar eru íviln­anir til nýfjár­fest­inga. Lagt er til að því skil­yrði sé bætt inn í 5. gr. laga um íviln­anir til nýfjár­fest­inga að fjár­fest­ing­ar­verk­efni þurfi að sam­ræm­ast skuld­bind­ingum Íslands og mark­miðum íslenskra stjórn­valda um sam­drátt í losun gróð­ur­húsa­loft­teg­unda svo að til álita geti komið að veita íviln­anir.

Mynd: Pressphotos / Geiri

Í stefnu­yf­ir­lýs­ingu rík­is­stjórn­ar­innar sem kynnt var þann 10. jan­úar er því lýst yfir að „ekki verði komið á íviln­andi fjár­fest­ing­ar­samn­ingum vegna nýrrar meng­andi stór­iðju“. Björt Ólafs­dóttir, umhverfis- og auð­linda­ráð­herra, hefur vísað því á bug að laga­breyt­inga sé þörf til að fram­fylgja þess­ari stefnu, en atvinnu­vega- og nýsköp­un­ar­ráðu­neytið hefur hins vegar stað­fest í svari við fyr­ir­spurn Stund­ar­innar um málið að ráð­herra iðn­að­ar­mála muni ekki fara gegn vilja nefndar um veit­ingu íviln­ana og hafna íviln­ana­beiðnum vegna verk­efna sem upp­fylla skil­yrði laga um íviln­anir til nýfjár­fest­inga nema sér­stakar laga­for­sendur standi til þess.

Frumvarp Katrínar er til þess fallið að tryggja að laga­stoð sé fyrir því að ráð­herra hafni beiðni um íviln­anir á grund­velli umhverf­is­verndar- og lofts­lags­sjón­ar­miða. Lagt er til að í 5. gr. laga um íviln­anir til nýfjár­fest­inga, þar sem skil­yrði til íviln­ana­samn­inga eru talin upp, bæt­ist eft­ir­far­andi atriði: „að sýnt sé fram á að fjár­fest­ing­ar­verk­efnið sam­ræm­ist skuld­bind­ingum Íslands og mark­miðum íslenskra stjórn­valda um sam­drátt í losun gróð­ur­húsa­loft­teg­unda“.

Mynd: Pressphotos

Í grein­ar­gerð frum­varps­ins er bent á að íslensk stjórn­völd hafi lýst því yfir að hér á landi skuli stefnt að því að árið 2030 verði losun gróð­ur­húsa­loft­teg­unda 40% minni en árið 1990. Þetta er sama mark­mið hið sama og Evr­ópu­sam­bands­lönd og Noregur hafa sett sér. „Mik­il­vægt er að umrætt mark­mið náist og ættu því fjár­fest­ing­ar­verk­efni sem njóta íviln­ana af hálfu íslenska rík­is­ins að vera þess eðlis að þau stuðli að sam­drætti í losun gróð­ur­húsa­loft­teg­unda eða séu hlut­laus gagn­vart þeim,“ segir í grein­ar­gerð­inni.