Óttarr Proppé, for­maður Bjartrar fram­tíðar og heil­brigð­is­ráð­herra, gerði sér­stak­lega að umtals­efni á Alþingi í dag að Björt fram­tíð hefði reynt að gefa ekki kosn­inga­lof­orð heldur kynna frekar kosn­inga­á­herslur í aðdrag­anda kosn­inga. Þetta kom fram í svari hans við fyr­ir­spurn Loga Ein­ars­sonar, for­manns Sam­fylk­ing­ar­innar, um upp­fyll­ingu kosn­inga­lof­orða Bjartrar fram­tíðar. Óljóst er upp að hvaða marki Björt fram­tíð mun styðja eigin kosn­inga­mál þegar stjórn­ar­and­staðan setur þau á dag­skrá á kjör­tíma­bil­inu.

Í fyr­ir­spurn sinni spurði Logi hvernig þing­menn Bjartrar fram­tíðar hygð­ust nálg­ast til­lögur og frum­vörp sem munu koma fram frá stjórn­ar­and­stöð­unni og eru í sam­ræmi við áherslu­mál Bjartrar fram­tíðar í aðdrag­anda kosn­inga. „Ég get nefnt frum­varp um greiðslu­þátt­töku sjúk­linga sem mun koma fram, um áfram­hald­andi vinnu við gerð stjórn­ar­skrár í sam­ræmi við nið­ur­stöður stjórn­laga­ráðs, að þjóðin fái sjálf að ákveða áfram­hald­andi ESB-við­ræður og kerf­is­breyt­ingar í sjáv­ar­út­vegi,“ sagði Logi og bætti við: „Hin spurn­ingin er svo: Eru þing­menn Bjartrar fram­tíðar bundnir á ein­hvern hátt í stjórn­ar­sam­starf­inu til að greiða atkvæði gegn gefnum lof­orðum eða með teknu til­liti til hvenær til­lögur koma fram?“

Óttarr Proppé svar­aði með því að þakka Loga fyrir „heim­speki­lega“ fyr­ir­spurn. „Ég þakka hátt­virtum þing­manni kær­lega fyrir fyr­ir­spurn­ina sem var tals­vert á heim­speki­legum nótum sem gleður mig sér­stak­lega, fátt gleður mig meira en að velta fyrir mér sið­ferði­legum og heim­speki­legum spurn­ingum,“ sagði hann. Þá lagði hann áherslu á að þing­menn Bjartrar fram­tíðar myndu, rétt eins og aðrir, kjósa eftir sam­visku sinni. 

„En við töl­uðum oft um það og höfum talað um það frá því að Björt fram­tíð var stofnuð að þegar við ræðum mál­efni fyrir kosn­ingar reynum við að tala um það sem áherslur, það sem við viljum berj­ast fyrir, en ekki lof­orð vegna þess að við gerum okkur grein fyrir því að í fæstum til­vikum munum við vera ein og sér með það vald að full­nægja þeim lof­orðum. Björt fram­tíð fékk ágæta kosn­ingu en er eigi að síður ein­ungis með fjóra þing­menn af 63, hefur þar af leið­andi aug­ljós­lega ekki meiri hluta til að knýja lof­orð sín í gegn án þess að vera í sam­vinnu við aðra.“

Logi sagði svarið þunnt, jaðra við útúr­snún­ing, og end­ur­tók spurn­ingu sína. Þá svar­aði Óttarr:

Mynd: Kristinn Magn­ús­son

„Ég skal reyna að svara hátt­virtum þing­manni skýrar. Þingmenn Bjartrar fram­tíðar, eins og aðrir þing­menn á þingi, eru bundnir sann­fær­ingu sinni þegar kemur að stuðn­ingi mála eða synjun. Það er svo ein­falt. Þau áherslu­mál, eins og ég orð­aði það, eða kosn­inga­lof­orð eins og margir myndu kalla það, sem okkar flokkur lagði fram í kosn­ingum eru áherslu­at­riði flokks­ins og þau atriði sem við komum með inn í starfið á Alþingi. Svo ég ítreki það erum við auð­vitað í rík­is­stjórn­ar­sam­starfi þar sem hefur verið samið um áherslu í stjórn­ar­sátt­mála. Hann liggur fyrir og er opin­ber og við stöndum við hann. Hann er ekki allur úr kosn­inga­lof­orða­lista mínum heldur er hann sam­eig­in­legar áherslur flokk­anna sem hafa ákveðið að vinna saman. Það fer mjög mikið eftir því hvaða mál eru undir hver afstaðan verður og hvenær á kjör­tíma­bil­inu það verður. En ég skal full­vissa hátt­virta þing­menn um það að við munum styðja við góð mál eins og við mögu­lega getum á þingi eins og aðrir.“