Íris Helga sat fyrir þolendum eftir réttarhöldin

Íris Helga Jón­atans­dóttir sat um meinta þolendur fyrir utan heim­ili þeirra á Reykja­nes­inu eftir að þriðja deg­inum í rétt­ar­höldum í umfangs­miklu umsát­ursein­elt­is­máli gegn henni lauk í gær. Rétt­ar­gæslu­maður pars­ins neitar að tjá sig efn­is­lega um málið í bili en Heim­ildin hefur fengið stað­fest­ingu á því að lög­reglan hafi verið kölluð til vegna atviks­ins þar sem fjöl­skylda Írisar kom einnig við sögu.

Parið sem um ræðir er það sem hefur lengst mátt þola áreiti elti­hrellis sem Íris Helga er nú ákærð fyrir. Rétt­ar­höld hafa staðið yfir Írisi í vik­unni en hún er ákærð í 68 liðum fyrir brot gegn níu ein­stak­lingum. Hluti þeirra sem hún er sökuð um að hafa hrellt voru á barns­aldri þegar áreitið átti sér stað.

Lamdi í bílrúðu parsins

Íris Helga og sam­verka­maður hennar eru bæði ákærð fyrir að áreita parið, meðal ann­ars með því að klína saur á heim­ili þess og bif­reið og …