Á sölu­síð­unni Hópkaup er aug­lýst í dag til­boð í svo­kall­aða fjar­heilun. Boðið er upp á til­boð á heilun á 4.800 krónur sem kostar vana­lega 8.000 krónur. Við­kom­andi heil­ari heitir María Jóns­dóttir.

Í sam­tali við Stundina seg­ist María vera útvalin af guði og telur hún sig hafa um 10 pró­sent af kröftum Jesús Krists, þó að hennar sögn geti hlut­fallið verið hærra þar sem hún sé ávallt að verða betri og betri í starfi sínu. Hún segir að allar upp­finn­ingar mann­kyns­ins eigi upp­runa sinn á himna­ríki sem hún lýsir sem nokkur konar fram­tíð­ar­út­ópíu, þó án Facebook. Hún seg­ist ekki úti­loka það að hún geti læknað sjúk­ling af krabba­meini.

Menntuð í „undirvitundarfræðum“

María hefur starfað sem bók­ari, en er með BA-próf í frönsku. Hún seg­ist vera menntuð í svoköll­uðu „neuro-linguistic programm­ing“, eða tauga- og tungu­málafor­ritun. „Ég var lengi í námi sem heitir NLP, sem er und­ir­vit­und­ar­fræði, að hreinsa raun­veru­lega ótta og kvíða úr fólki. Þetta smám saman leiddi til þess að ég stofn­aði aðstöðu niðri á Suð­ur­lands­braut þar sem ég var að taka á móti fólki þar sem það lá á bekk og ég lagði hend­urnar á það. Þannig kemur raun­veru­lega straumur og ljós guðs í gegnum mig, því ég er svo mikið stykki. Ég hef hjálpað á þriðja hund­rað manns á Íslandi,“ segir María.

Rann­sóknir hafa hins vegar ekki sýnt fram á gagn­semi tauga- og tungu­málafor­rit­unar. Einkenni tauga- og tungu­málafor­rit­unar eru hins vegar sögð benda til þess að um sé að ræða skóla­bók­ar­dæmi um gervi­vís­indi.

María segir að heil­anir sínar hafi verið orðnar svo sterkar að hún gat beitt þeim án þess að vera í sama her­bergi og sjúk­ling­ur­inn. „Síðan fann ég það að fyr­ir­bænir mínar og fjar­heil­anir voru orðnar það sterkar að ég þurfti ekki að hafa aðstöð­una. Þannig að ég sagði henni upp. Það er hringt í mig frá Hópkaup og spurt hvort ég vilji ekki end­ur­nýja því ég hafi aug­lýst hitt fyr­ir­komu­lagið í fyrra,“ segir María.

Segist hafa tengingu við almættið

Spurð nánar út í þessa strauma sem hún færir frá sér yfir í sjúk­linga segir María að allt efni sé úr straumum. „Allt í heim­inum er bylgjur. Hús­gögnin okkar titra. Það er pinku­lítil titr­ingur. Allt hreyf­ist. Það er allt bylgja, útvarps­bylgja, sjón­varps­bylgja. Stundum eru gerðar bíó­myndir eða teikni­myndir um vél­menni og svona, og þá er það úr járni. Við erum í raun og veru seg­ul­verur; seg­ul­magn­aðar verur. Þess vegna höld­umst við á jörð­inni, vegna þess að inni í möttli jarðar er seg­ull. Þess vegna dettum við ekki af jörð­inni út í geim,“ segir María.

María segir að þetta allt hafi svo áhrif  á per­sónu­leika fólks. „Fólk getur sogið orku og gefið slæma orku. Fólk getur gefið af sér gott. Góð útgeislun og slæm útgeislun. Þetta er allt orka. Mann­eskja sem kemur inn í her­bergi getur gefið af sér góða orku­geisla. Allt er orka og geislar,“ skýrir María.

„Það sem ég er að gera er að tengja mig við almætti, bara biðj­ast fyrir, og þá ger­ist það þannig að það kemur til mín orka sem ég beini að mann­eskj­unni. Ef hún væri fyrir framan mig myndi ég setja hend­urnar mínar nálægt henni og þá kæmi orkuflæðið í gegnum höf­uðið á mér og niður út í gegnum hend­urnar. Ég er bara eins og batt­er­ís­hleðsla og það er beint frá guði. Þegar ég er ekki á staðnum þá beini ég þessu með fyr­ir­bænum að menn­eskj­unni.“

Kveðst geta heilað fólk í Kína

Hún segir að nú sé fjar­heilun hennar komin á það stig að hún geti heilað fólk í Kína. „Ég sé hve mikið áhrif fyr­ir­bænin mín hefur og sé að fjar­heil­unin er að virka. Ég get alveg tekið við beiðni frá Kína og fjar­heilað mann­sekju þar. Þá stilli ég mér inn á hana. Þá sé ég hana fyrir mér í hug­anum ef ég er með mynd eða nafn og þá segi ég: „Góði guð, ég bið fyrir þess­ari mann­eskju, hún er að fást við þetta.“,“ segir María.

María segir látnir ind­verskir læknar vinni í gegnum sig ásamt guði. „Það hafa komið í kringum fimm­tíu lækna­miðlar í kringum mig úr handan heimum. Ég er með nöfnin þeirra. Hér á landi var staddur lif­andi ind­verskur læknir í jóga­setr­inu og ég sýndi honum list­ann og þá sagðan að þetta væru allt læknar frá Punjab hér­aði í Norður-Indlandi,“ segir María. Hún segir að einn Íslend­ingur fylgi sér sem hafi ekki verið læknir í lif­andi lífi en hafi fengið þá hæfni á himnum.  

Í himnaríki verði Facebook óþarft

Líkt og fyrr segir telur María að allt sem er jarð­neskt sé líka til hjá guði. Samkvæmt til­gátu Maríu er fram­þróun mann­kyns undir hand­leiðslu almátt­ugs afls. „Við erum aldrei að finna neitt upp, upp­finn­inga­menn eru ekki að finna neitt upp. Þeir eru ekki að búa það til frá grunni. Allt jarð­neskt er til í himna­ríki. Bara það góða þó. Til dæmis alls konar tölvu­tækni og allt slíkt. Segjum bara síma­sam­band á milli fólks. Maður tekur upp síma og hringir. Þetta fer allt í gegnum bylgjur, það er búið að opna kapal sem þú sérð ekki með aug­unum. Að senda ljós guðs er eins og að senda með ljós­leið­ara í hús til að horfa á sjón­varpið. Það sem er almætt­is­ins, það er verið að yfir­færa það smám saman yfir í mann­heima. Þannig að ég nota ljósork­una og er að senda hana með ósýni­legum þræði til fólks­ins.

„Ég nota ljósork­una og er að senda hana með ósýni­legum þræði til fólks­ins.“

Þegar fólk fær ljósu­ork­una fá frumur fólks­ins tæki­færi til að heila sig sjálfar, þá fær það auka­hleðslu, fær auka raf­magn því raf­hleðslan er orðin of lítil í lík­am­anum. Það er ekk­ert nýtt í alheim­inum, því það er til í himna­ríki. Þeir sem vinna Nóbels­verð­laun hafa verið að liggja yfir ein­hverju og þá sér almættið það og sér að þar er ein­hver sem hægt er að treysta fyrir til að vinna með þá upp­götvun. Á himnum er ekki Facebook því þar geta allir lesið alla,“ segir María.

María seg­ist alltaf að verða kröft­ugri í heil­un­inni. „Mér er alltaf hleypt lengra og lengra. Mér er treyst fyrir því. [...] Ég er komin tölu­vert langt, kannski er ég komin 10 pró­sent, kannski er ég komin 90 pró­sent. Ég er þetta milli­stykki, að tengja þessa orku. Ég nota orðið kvillar því ég vil ekki segja að ég sé að lækna það af krabba­meini, en það getur vel verið að það bæt­ist mjög úr því og jafn­vel lag­ist, en ég vil ekki lofa því.“

Trú­ar­legar bænir eru algeng­asta form óhefð­bund­inna lækn­inga­með­ferða. Tekið skal fram að vís­inda­legar rann­sóknir benda ekki til þess að fjar­heil­anir hafi virkni.