Hildur Þórð­ar­dóttir, for­seta­fram­bjóð­andi, heil­ari og þjóð­fræð­ingur, telur að vís­indi séu á villi­götum. Þetta kemur fram í blogg­færslu hennar frá því í fyrra.

Ljóst er af orðum Hildar í útvarps­þætt­inum Harma­geddon á X-inu í morgun að hún stendur við hvert orð en þar var vitnað í blogg­færsl­una. Hildur sagði í þætt­inum að hún teldi sig geta orðið sam­ein­ing­ar­tákn þjóð­ar­innar, en hún til­kynnti um fram­boð sitt til for­seta 3. jan­úar síð­ast­lið­inn.

Í bloggi for­seta­fram­bjóð­and­ans birt­ast ýmsar kenn­ingar um heil­brigð­is­mál, svo sem að upp­runa krabba­meins megi finna í „orku­lík­am­anum“, rétt­ara sagt að „orku­stíflur í hjarta­stöð“ geti átt rót sína í fyrri lífum.

Krabbamein og tilfinningar

Í blogg­færslu sinni útlistar Hildur skoð­anir sínar á krabba­meini. Hún segir að ekki sé hægt að rekja orsakir krabba­meins til gena­mengis heldur til­finn­inga og „orku“. Hún notar jafn­framt tæki­færið til að vitna til bókar sinnar Taumhald á til­finn­ing­unum – leið til betra lífs sem kom út árið 2013.

„Ástæðu brjóstakrabba­meins er ekki að finna í gena­meng­inu heldur í orku­lík­am­anum. Orsökin er orku­stíflur í hjarta­stöð, oft úr mörgum lífum. Til­finn­ingar eru orka sem situr í orku­lík­am­anum. Jákvæðar til­finn­ingar eins og ástúð, kær­leikur, sam­þykki og gleði hafa jákvæða orku sem örvar orku­streymið svo heildin, þ.e. efn­is­lík­am­inn og orku­lík­am­inn, starfar vel. Nei­kvæðar til­finn­ingar eins og höfnun, ást­leysi, skortur á umhyggju, að finn­ast maður ekki vel­kom­inn í heim­inn eða verð­skulda ást, hafa nei­kvæða orku sem stíflar orku­streymið í hjarta­stöð­inni. Um þetta má lesa í bók­inni Taumhald á til­finn­ing­unum – leið til betra lífs,“ skrifar Hildur í fyrra.

Lungnakrabbamein í stað brjóstakrabbameins

Hildur heldur áfram og telur að ekki sé hægt að koma í veg fyrir brjóstakrabba­mein með því að fjar­læga brjóst. Krabba­meinið leiti annað þar sem vanda­málið sé í „orku­stöð­inni“.

„Því er sorg­legt þegar konur láta fjar­lægja brjóstin af ótta við brjóstakrabba­mein þótt hið meinta brjóstakrabba­meinsgen finn­ist í þeirra mengi. Þar sem vanda­málið er í orku­stöð­inni mun það bara finna sér annan far­veg á þessu svæði ef ekk­ert er gert. Konur fá þá lungna­krabba­mein í stað­inn eða hjarta­á­fall. Gena­rann­sóknir eru á villi­götum því það eru engin gen sem valda sjúk­dómum. Nið­ur­stöður þeirra valda fólki óþarfa ótta og hvetja til mis­þyrm­inga á lík­am­anum. Eftir ein­hvern tíma munu vís­inda­menn kom­ast að því að þeir höfðu rangt fyrir sér, en þá verður það of seint fyrir þær konur sem létu fjar­lægja brjóstin með alls kyns eft­irkvillum,“ skrifar for­seta­fram­bjóð­and­inn.

Ósammála niðurstöðum vísindarannsókna

Vís­inda­rann­sóknir hafa leitt til þeirrrar nið­ur­stöðu að tvö gen auki veru­lega hættu á brjóstakrabba­meini, þó þau skýri ein­ungis lítið brot af sjúk­dómstil­fellum. Konur sem hafa þetta gen eru í veru­legri hættu en helsti áhættu­þáttur er aldur og þær horm­óna­breyt­ingar sem honum fylgja. Þetta kemur fram á Vís­inda­vef­ur­inn en Magnús Jóhanns­son, pró­fessor í lækn­is­fræði við HÍ, skrifar svarið.

„Út frá öllum þessum upp­lýs­ingum má áætla gróf­lega áhættu hverrar konu á að fá brjóstakrabba­mein. Þær konur sem grein­ast með mikla eða tals­verða áhættu geta valið milli nokk­urra kosta: þær geta farið í reglu­legt eft­ir­lit til að hugs­an­legt krabba­mein grein­ist fljótt, þær geta tekið lyf sem minnkar veru­lega hætt­una á krabba­meini eða valið þá leið að láta fjar­lægja bæði brjóstin í for­varna­skyni. Allar þessar leiðir hafa sína kosti og galla. Gott eft­ir­lit er lík­lega í flestum til­vikum besti kost­ur­inn en er erfitt hjá konum sem eru með hnút­ótt brjóst eða þegar tekin hafa verið mörg nál­ar­sýni,“ segir á Vís­inda­vefnum. Ekki er minnst á orku­lík­ama eða orku­stöðvar í svari Magnúsar.

„Sameiningartákn þjóðarinnar og andlegur leiðtogi“

Á dög­unum greindi DV frá því að Hildur hafði eytt færslu af bloggi sínu þar sem hún fjall­aði um fyrra líf sitt á Englandi fyrir 200 árum. „Nýlega varð ég þeirrar reynslu aðnjót­andi að upp­lifa næstum 200 ára sorg vegna maka­missis úr fyrra lífi í Englandi. Það kom mér á óvart hvað sorgin var mikil og ég grét og grét og hleypti öllu út og var hrein­lega ekki viss um að ég kæm­ist út að borða með vinum mínum um kvöldið,“ skrif­aði Hildur.

Hildur til­kynnti um for­seta­fram­boð sitt 3. jan­úar síð­ast­lið­inn með stöðu­færslu á Facebook. „For­set­inn er í mínum huga sam­ein­ing­ar­tákn þjóð­ar­innar og and­legur leið­togi, örygg­is­vent­ill gagn­vart Alþingi, lands­móðir, full­trúi lands­ins út á við og fyr­ir­mynd lands­manna.  Ein­kunn­ar­orð mín eru sam­vinna, skiln­ingur, kær­leikur, sam­kennd og auð­mýkt,“ skrif­aði hún meðal ann­ars þá.

Í gær birti hún nokk­urs konar fer­il­skrá á Facebook-síðu sinni: