Brynjar Níelsson, þing­maður Sjálf­stæð­is­flokks­ins og for­maður stjórn­skip­unar- og eft­ir­lits­nefndar, hefur áhyggjur af því að nei­kvæð við­brögð stjórn­mála­manna og ann­arra við fregnum af sölu á hlut í Arion banka kunni að hafa skað­leg áhrif á íslenskan fjár­mála­markað. 

Þessari skoðun sinni lýsti hann í umræðum á þing­inu rétt í þessu undir liðnum störf þings­ins. „Ég sjálfur hef tals­verðar áhyggjur af við­brögðum margra, og ekki síst stjórn­mála­manna, við þessum fregnum um sölu á 30 pró­senta hlut í Arion banka,“ sagði Brynjar. „Ég skil það að við höfum áhyggjur af eign­ar­haldi og ég vil fá upp­lýs­ingar. En við verðum samt að passa okkur að fara ekki í óyf­ir­veg­aða umræðu því að hún getur verið skað­leg fyrir okkur öll. Hér er um að ræða fjár­mála­fyr­ir­tæki sem þarf á trú­verð­ug­leika að halda. Við erum með kerfi, eft­ir­lits­stofnun, FME, sem hefur eft­ir­lit með þessu, sér um fram­kvæmd lag­anna og það er mik­il­vægt að við förum ekki fram úr okkur í þess­ari umræðu.“

Fordæmdi Brynjar hvers kyns hvatn­ingu um áhlaup á fjár­mála­fyr­ir­tæki á stærð við Arion­banka. „Þá erum við að skaða okkur sjálf og skaða íslensk fjár­mála­fyr­ir­tæki og við þurfum þess vegna að fara far­lega. Ég legg því til að umræðan um þetta verði yfir­veguð og við förum mjög var­lega í allar yfir­lýs­ingar. Vegna þess að það sem við segjum getur haft mikil áhrif á hvernig aðrir hegða sér.“