Brynjar: Reykjavík verður ekki ráðstefnuborg án nektarklúbba

Brynjar Níelsson, þing­maður Sjálf­stæð­is­flokks­ins og for­maður stjórn­skip­unar- og eft­ir­lits­nefndar Alþingis, segir að Björt Ólafs­dóttir umhverf­is­ráð­herra sé með for­dóma gagn­vart nekt­ar­dans­stöðum. Það þýði lítið að gera Reykja­vík að ráð­stefnu­borg ef ekki fái að þríf­ast spila­víti og nekt­ar­klúbbar í borg­inni.

Tilefni þess­ara orða er gagn­rýni Bjartar á mál­flutn­ing Gunnars Birg­is­sonar, bæj­ar­stjóra í Fjalla­byggð um leyf­is­veit­ingar og fisk­eldi í sjó. „Ég myndi til að mynda ekki leyfa nekt­ar­klúbba hvort sem væri í 101 Reykja­vík, Kópavogi eða í upp­sveitum Árnes­sýslu hvar ég ólst upp. Hitt ætti að vera kapps­mál fyrir alla, sama hvar þeir búa á land­inu. Að vernda líf­ríki og ein­staka nátt­úru lands­ins,“ skrif­aði Björt á Facebook.

„Hvaða for­dómar eru þetta gegn nekt­ar­klúbbum, Björt?“ svarar Brynjar. „Í öllum betri bæjum eru nekt­ar­klúbbar, Björt. Þýðir ekk­ert að reyna að gera Reykja­vík að ráð­stefnu­borg ef engir eru nekt­ar­klúbbar og spila­víti.“ 

Áður hefur Brynjar gagn­rýnt harð­lega bann við nekt­ar­dansi. Þá vakti athygli þegar Brynjar, skömmu eftir að hafa sest á þing, gagn­rýndi lög­reglu fyrir að hafa hand­tekið vændis­kaup­endur og aðstand­endur kampa­víns­klúbbs­ins Strawberries. „Meðan lög­reglan er bundin við að hlera þessa kyn­lífsiðk­endur og hand­taka í stórum stíl situr hún aðgerð­ar­laus þegar stolið höf­und­ar­varið efni er sett á netið og halað þar niður af fjölda manns,“ skrif­aði hann.