„Varðandi stjórn­ar­skrána þá voru 37 pró­sent þjóð­ar­innar sem höfðu kosn­inga­rétt sem sam­þykktu drög sem voru lögð til grund­vallar. Þetta var vinnuplagg. Þetta var ekki full­búin stjórn­ar­skrá.“

Þannig komst Ari Trausti Guð­munds­son, þing­maður Vinstri grænna, að orði þegar stjórn­ar­skrár­breyt­ingar bar á góma í umræðum um stöðu stjórn­mála á Alþingi í dag. 

64,2 pró­sent þeirra sem tóku þátt í þjóð­ar­at­kvæða­greiðsl­unni um breyt­ingar á stjórn­ar­skrá Íslands árið 2012 greiddu atkvæði með því að til­lögur stjórn­laga­ráðs yrðu lagðar til grund­vallar frum­varpi að nýrri stjórn­ar­skrá. 

Ari Trausti lagði hins vegar áherslu á að ein­ungis 37 pró­sent atkvæða­bærra manna hefði lýst yfir stuðn­ingi við til­lögur stjórn­laga­ráðs og tók þannig með í reikn­ings­dæmið þá sem ekki mættu á kjör­stað.

„Ég held að þetta sé algengur mis­skiln­ingur, það hefur gengið svo langt að ákveð­inn aðili við HÍ hefur kallað þetta valda­rán,“ sagði Ari Trausti og vís­aði þar til mál­flutn­ings Þor­valdar Gylfa­sonar hag­fræði­pró­fess­ors sem sat í stjórn­laga­ráði á sínum tíma. 

„Við skulum hafa það á hreinu. Svo ég spyr, var þetta vinnuplagg eða var þetta full­búin stjórn­ar­skrá sem lögð var til grund­vallar í þjóð­ar­at­kvæða­greiðslu þar sem 37 pró­sent atkvæða­bærra manna sam­þykktu?“

Halldóra Mogensenþing­kona Pírata

Halldóra Mogensen, þing­kona Pírata, gaf lítið fyrir áherslur Ara Trausta og kall­aði eftir sam­stöðu um stjórn­ar­skrár­breyt­ingar á grund­velli tilllagna stjórn­laga­ráðs. Hún og þing­flokkur Pírata lögðu fram frum­varp á Alþingi í dag þar sem lagt er til að til­laga stjórn­laga­ráðs verði sam­þykkt nær óbreytt sem lög.

Ari Trausti ítrek­aði að árið 2011 hefðu verið greidd atkvæði um vinnuplagg en ekki full­búna stjórn­ar­skrá. 

„Þð er mjög langt teygt að túlka það svo að þessi 37 pró­sent hafi verið að sam­þykkja stjórn­ar­skrár­til­lög­una. Ég gerði það t.d. ekki með mínu atkvæði, ég leit svo á að þarna væri komið gott vinnuplagg til að byggja á í þeirri vinnu og ég ætla að full­yrða að það á við um marga aðra,“ sagði hann. 

„Hvar myndi það ger­ast ef þetta væri raun­veru­leg þjóð­ar­at­kvæða­greiðsla um raun­veru­lega full­búna stjórn­ar­skrá?“

„Auðvitað er það ekki góð lat­ína þegar verið að sam­þykkja stjórn­ar­skrá að 35 pró­sent geri það, 75 þús­und manns af yfir 200 þús­und. Hvar myndi það ger­ast ef þetta væri raun­veru­leg þjóð­ar­at­kvæða­greiðsla um raun­veru­lega full­búna stjórn­ar­skrá? Þetta var ráð­gef­andi þjóð­ar­at­kvæða­greiðsla og það var verið að greiða atkvæði um vinnuplagg. 

Þannig þetta er ekki valda­rán og þótt það hafi liðið tvö­þús­und og eitt­hvað dagar síðan það var gert þá er það bara vegna óein­ingar um plaggið sjálft, ekki vegna þess að stjór­völd hafi rænt völdum á Íslandi eins og þessi ágæti pró­fessor hefur sagt.“