Bréf umboðsmanns í heild: Kallaði eftir gögnum um ráðgjöfina

Tryggvi Gunn­ars­son, umboðs­maður Alþingis, óskaði eftir gögnum um emb­ætt­is­færslur Sigríðar Andersen í Lands­rétt­ar­mál­inu frá dóms­mála­ráðu­neyt­inu þann 8. jan­úar síð­ast­lið­inn og fékk þau í hendur sama dag og hann kom fyrir fund stjórn­skip­unar- og eft­ir­lits­nefndar til að fjalla um verk­lag og stöðu ráð­herra.

Í bréf­inu kom meðal ann­ars fram að umboðs­maður bæði um gögnin til að geta metið hvort til­efni væri til frum­kvæð­is­at­hug­unar á máls­með­ferð ráð­herra við skipun dóm­ara.

Stundin sendi dóms­mála­ráðu­neyt­inu upp­lýs­inga­beiðni í síð­ustu viku og óskaði eftir því að fá fyr­ir­spurnar-bréf umboðs­manns afhent, enda heyra slík bréf undir ákvæði upp­lýs­inga.

Svar við fyr­ir­spurn­inni hefur ekki borist þegar þetta er skrifað en Stundin fékk bréfið með öðrum hætti. RÚV reif­aði efni þess í gær­kvöldi, en hér má lesa það í heild:

Mynd: Bréf umboðs­manns

Mynd: Bréf umboðs­manns

Umboðs­maður óskaði eftir því að fá gögnin send „sem allra fyrst“ og „eigi síðar en 17. jan­úar“. Að því er fram kemur í frétt á Vísi.is fékk hann þau hins vegar ekki í hendur fyrr en 18. jan­úar, sama dag og fundur stjórn­skip­unar- og eft­ir­lits­nefndar fór fram um málið ásamt umboðs­manni og fleiri gestum. 

Eins og Stundin greindi frá á mánu­dag­inn virti dóms­mála­ráðu­neytið ekki lög­bund­inn frest þing­skapa þegar stjórn­skip­unar- og eft­ir­lits­nefnd óskaði eftir til­tækum gögnum um emb­ætt­is­færslur dóms­mála­ráð­herra í Lands­rétt­ar­mál­inu þann 3. jan­úar síð­ast­lið­inn. Samkvæmt 51. gr. laga um þing­sköp ber stjórn­völdum að verða við beiðni þing­nefnda „eins skjótt og unnt er og eigi síðar en sjö dögum frá mót­töku beiðn­innar“. Ráðu­neytið afhenti gögnin ekki fyrr en fimmtu­dag­inn 18. jan­úar. Fyrir vikið gafst nefnd­ar­mönnum og fund­ar­gestum tak­markað ráð­rúm til að kynna sér gögn máls­ins áður en fjallað var um þau á fund­inum.