Logi Ein­ars­son, for­maður Sam­fylk­ing­ar­innar, segir lyk­il­at­riði í umræðum um veiði­gjöld og fisk­veiði­stjórn­un­ar­kerfið á Íslandi að þjóðin fái aukna hlut­deild í arð­inum af sam­eig­in­legum auð­lindum og að byggð­unum í land­inu blæði ekki. 

Í stjórn­mála­um­ræðum á Alþingi rétt í þessu gagn­rýndi hann Óla Björn Kárason, þing­mann Sjálf­stæð­is­flokks­ins, fyrir að að vera frjáls­hyggju­maður í orði en tala um leið fyrir því að útgerð­ar­fyr­ir­tækjum væri hlíft við aga mark­að­ar­ins. 

„Með veiði­gjöldin þá viljum við fyrst og fremst að þjóðin fái hærri afgjöld af sam­eig­in­legum auð­lindum sínum, hvort sem um er að ræða í sjó eða orku eða annað slíkt. Auðvitað getur slíkt kerfi leitt til mik­illar sam­þjöpp­unar, en það eru líka til aðrar leiðir til að halda uppi byggðum í land­inu en að þvinga menn til að standa í útgerð og atvinnu­háttum sem í raun­inni kannski bera sig ekki lengur,“ sagði Logi og spurði: „Af hverju bjóðum við ekki út eitt­hvað af þessum kvóta, af hverju tökum við ekki byggða­kvót­ann og látum byggð­irnar fá pen­ing­ana í stað­inn fyrir að vera með þetta kerfi sem við erum með í dag og gera þeim kannski kleift að byggja upp á nýjum atvinnu­vegum, ferða­þjón­ustu, nýsköpun og öðru slíku?“

„Aðal­at­riðið er að byggð­unum blæði ekki“

Þá sagði hann ótrú­legt að hlusta á mál­flutn­ing Óla Björns Kára­sonar, „full­trúa frjáls­hyggj­unnar“, í umræðum um útgerð­ina. „Á hún að lúta allt öðrum lög­málum, öðrum en verk­fræði­stofur, rak­ara­stofur eða nudd­stofur? Er ekki allt í lagi þótt eitt­hvað af útgerð­ar­fyr­ir­tækjum fari á haus­inn og við leitum í hag­kvæm­asta rekst­ur­inn, þannig að þjóðin fái á end­anum afgjaldið? Aðal­at­riðið er að byggð­unum blæði ekki, en ef að hátt­virtur þing­maður getur full­vissað mig um að í núver­andi kerfi hafi byggð­unum ekki blætt, þá skal ég bara biðj­ast afsök­unar.“