etta er ekki í nógu góðu lagi, ég skal alveg við­ur­kenna það,“ segir Kjartan Már Kjart­ans­son, bæj­ar­stjóri Reykja­nes­bæjar, við Heim­ild­ina um bíla­stæða­mál við Reykja­nes­vita. Þar hefur sveit­ar­fé­lagið leigt land til að tryggja aðgengi ferða­fólks að nátt­úr­unni, en einka­að­ilar hafa inn­heimt gjald af þeim sem fara þangað. Svæðið fellur innan Reykja­nes jarð­vangs, sem er við­ur­kenndur af Menn­ing­ar­mála­stofnun Sam­ein­uðu þjóð­anna (UNESCO) og hefur ríkið greitt tugi millj­óna til upp­bygg­ingar á stígum og þjón­ustu­húsi.

Gjald­skyldu var fyrst komið á á svæð­inu árið 2021. Hlé var gert á henni í þónokkurn tíma og hófst hún aftur í fyrra. Í dag kostar þús­und krónur fyrir fólks­bíl að keyra inn á svæðið og dvelja þar í meira en korter, jafn­vel þótt ein­göngu sé dvalið á landi sem leigt er af hinu opin­bera í þágu aðgengis almenn­ings og ferða­fólks. Þá segir á vef­síðu Parka að fólk eigi yfir höfði sér 1.960 króna van­greiðslu­gjald sé bíla­stæða­gjaldið ekki greitt á innan við sól­ar­hring. 

Má rukka bílastæðagjöld í 500 metra radíus um vitann

Fyr­ir­tækið Reykja­nes Aurora, sem er í eigu Rúnars Más Sig­ur­vins­sonar, hefur rúm­lega þriggja hekt­ara land nálægt vit­anum á leigu frá land­eig­endum og renna bíla­stæða­gjöldin til þess. „Á þessu svæði hefur eng­inn verið rukk­aður um van­greiðslu­gjöld,“ segir hann og bendir á að á svæð­inu renni bíla­stæða­gjöldin til upp­bygg­ingar á þjón­ustu. Á síð­asta ári opn­aði gesta­stofa við vit­ann, sem er rekin af Bláa lón­inu sem tekur meiri­hluta tekn­anna.

„Þetta eru ekki ein­hver mal­ar­stæði úti í haga sem veita enga þjón­ustu þar sem verið er að rukka allt og alla og leggja á ein­hver óhóf­leg van­greiðslu­gjöld. Þetta er mjög skýrt og rukkað eftir þeim samn­ingum sem eru fyr­ir­liggj­andi og þeirri þjón­ustu sem er verið að veita.“