Breyt­ingar í nágrenni og innan Vatna­jök­uls­þjóð­garðs hafa verið í deigl­unni und­an­farið þar sem tek­ist er meðal ann­ars á um hvort halda eigi víð­ernum ósnortnum.  

„Það er mjög sorg­legt að við getum ekki hugsað lengra fram í tím­ann í svona upp­bygg­ingu og fattað að nátt­úran er það sem er ein­stakt við svæðið okkar og þjóð­garð­inn. Það er ástæðan fyrir að lang­flestir ferða­menn heim­sækja svæðið,“ segir Svanhvít Helga Jóhanns­dóttir, íbúi í Öræfum, í sam­tali við Heim­ild­ina.

Hún segir mik­il­vægt að Vatna­jök­uls­þjóð­garður stígi fast til jarðar þegar kemur að fram­kvæmdum í og við þjóð­garð­inn. „Þetta snýst um nátt­úru­vernd, þannig að mér finnst mjög óeðli­legt að þau séu diplómat­ísk í þannig mál­efnum.“

Heim­ildin fór yfir stöð­una í Skafta­felli, Hoffelli og Von­ar­skarði en breyt­ingar á þessum þremur svæðum, í og við Vatna­jök­uls­þjóð­garð, hafa vakið harða gagn­rýni. 

„Skrímsli“ í Skaftafelli

Nýlega vakti athygli upp­bygg­ing …