Viðskipti Húsnæðismál

Góðar fréttir fyrir verðtryggðu lánin

Upp­færð spá Seðla­bank­ans gef­ur til kynna að verð­tryggð fast­eignalán verði áfram hag­stæð­ari en þau óverð­tryggðu. Vext­ir eru sögu­lega há­ir á bæði lána­form.

Góðar fréttir fyrir verðtryggðu lánin
Sammála um lækkun Peningastefnunefnd Seðlabanka Íslands, sem Ásgeir Jónsson seðlabankastjóri er formaður fyrir, hefur einróma lækkað stýrivexti um 0,25% og niður í 7,25%, sem er enn hátt í sögulegu samhengi. Mynd: Golli
Jón Trausti Reynisson
jontrausti@heimildin.is

Þrátt fyrir slæmar fréttir af hagvaxtarhorfum er bæði stýrivaxtarákvörðun Seðlabankans í dag og slakar horfur í hagkerfi Íslands góðar fréttir fyrir þróun fasteignalána. 

Höfuðstóll verðtryggðra lána hækkar sjálfkrafa með verðbólgu, í fyrirkomulagi sem þekkist varla fyrir fasteignalán erlendis. Í nýjum Peningamálum sem komu út í dag hjá Seðlabankanum er gert ráð fyrir að verðbólga verði mun minni næstu tólf mánuði en áður, og nokkru minni en gert var ráð fyrir í fyrri spá.

2,9% verðbólga

Þannig verður verðbólgan 2,9% á fjórða ársfjórðungi næsta árs, samkvæmt uppfærðri spá Seðlabankans, sem þýðir gróflega að næstu 12 mánuðina hækki höfuðstóll verðtryggðra lána um sama hlutfall, að frádregnum afborgunum á höfuðstóll, sem eru mismunandi eftir lengd og formi lána. Til samanburðar er sama hækkun 4,3% núna og er því spáð að hún verði svipuð í nóvembermánuði, sem leiðir til hækkunar verðtryggðu lánanna um sama hlutfall jafnt og þétt í janúarmánuði. Þetta jafngildir í raun vaxtalækkun upp á 1,4% næsta árið fyrir þau sem hafa verðtryggð lán, að óbreyttum nafnvöxtunum sem þó hafa hækkað jafnt og þétt á verðtryggð lán síðustu misserin.

Til samanburðar eru fastir vextir verðtryggðra húsnæðislána hjá Íslandsbanka núna 4,75%, eftir hlé á  lánveitingum í  kjölfar vaxtadóms Hæstaréttar. Að meðaltali hafa sömu vextir verið 3,6% hjá Íslandsbanka frá árinu 2012 og eru verðtryggðir vextir því sögulega háir. Gangi ný verðbólguspá Seðlabanka Íslands eftir verða raunverulegir vextir verðtryggðu lánanna þá 7,65%, ef horft er til vaxta að viðbættri verðtryggingu. Þótt það teljist háir vextir á fasteignalán á heimsvísu er það þó lægra en vextir á óverðtryggðum fasteignalánum, þótt áhættan af verðbólguáfalli sé í þeim tilfellum hjá lánveitandanum en ekki lántakandanum. 

Kjósa
6
Hvernig finnst þér þessi grein? Skráðu þig inn til að kjósa.
Efnisorð

Athugasemdir (2)

Skráðu þig inn til að skrifa athugasemd eða kjósa.
  • Ólafur Garðarsson skrifaði
    20. nóvember 2025 08:05
    Get ekki annað en hlegið. Já, verðtryggð lán geta verið hagstæð á meðan verðbólgan er lág. Hinsvegar ef verðbólgan fer yfir 4 til 5 prósent hallar hratt á lántaka og það er varanlegt. Verðbæturnar eru ekki greiddar upp hverju sinni, þær safnast upp sem einskonar auka höfuðstóll sem ber einnig vexti. Í guðana bænum verið ekki að fegra þetta lánaform. Það ber með sér mikla áhættu auk þess sem kerfislæg áhrif verðtryggðra lána ýtir undir verðbólgu (verðbætur eru peningaprentun fyrir bankana, einskonar ný útlán án frekari samninga), ýtir undir hærra fasteignaverð (leiða til hærri tilboða því greiðslumatið er í raun falskt og metur ekki langtímaáhrif verðbólguskota). Þar fyrir utan er vonlaust fyrir lántaka að gera heilbrigt eigið greiðslumat við eldhúsborðið (flókin fjármálaafurð) og þessi lán standast því í raun ekki lög um neytendavernd á lánamarkaði EES þó íslenskir dómstólar hafi í raun hunsað EES reglur með útúrsnúningum í þágu íslenskra útlánsstofnanna.
    0
    • Margrét Sólveig Ólafsdóttir skrifaði
      24. nóvember 2025 16:40
      Já, ég get ekki skilið hversvegna sumt fólk er að fegra þetta lánaform. Verðtrygging er hvergi á húsnæðislán í Evrópu. Og, eins og þú segir eru verðbætur peningaprentun fyrir bankana og býr til nýjan auka höfuðstól lána til hækkunar lánsins og hærri greiðslubyrði fyrir lántakendur.
      0
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Húsnæðismál

Þau sem hafa hagnast ævintýralega á Þorpinu
FréttirHúsnæðismál

Þau sem hafa hagn­ast æv­in­týra­lega á Þorp­inu

Ár­ið 2021 keypti hóp­ur fjár­festa í gegn­um eign­ar­halds­fé­lag­ið Þorp­ið 6 ehf. lóð­ir og bygg­ing­ar­rétt­indi á Ár­túns­höfða í Reykja­vík fyr­ir 7,4 millj­arða króna. Fyrr á þessu ári voru lóða­rétt­ind­in seld fyr­ir ell­efu millj­arða króna án þess að nokk­uð hafi ver­ið byggt á svæð­inu. Við­skipt­in sýna vel hvernig fjár­fest­ar geta hagn­ast æv­in­týra­lega með því að kaupa og selja lóð­ir og bygg­ing­ar­rétt­indi á til­tölu­lega skömm­um tíma.
Löngu lækkunarskeiði í raunverði íbúða lokið
FréttirHúsnæðismál

Löngu lækk­un­ar­skeiði í raun­verði íbúða lok­ið

Hús­næð­is- og mann­virkja­stofn­un kynnti ný­ver­ið nýtt fast­eigna­mat fyr­ir ár­ið 2025. Heild­armat á íbúð­um lands­ins allt hækk­aði um 3,2 pró­sent. Mun þetta vera í fyrsta sinn síð­an ár­ið 2010 að verð­þró­un íbúð­ar­hús­næð­is mæl­ist lægri en verð­bólga, sem mæl­ist rúm­lega sex pró­sent. Ým­is­legt bend­ir þó til þess að þessu lækk­un­ar­skeiði sé nú lok­ið og raun­verð­ið muni mæl­ast hærra en verð­bólga á næstu miss­er­um.

Mest lesið

Fleiri listamenn við níu götur í Reykjavík fá laun en á allri landsbyggðinni
4
GreiningListamannalaun

Fleiri lista­menn við níu göt­ur í Reykja­vík fá laun en á allri lands­byggð­inni

Tölu­vert ójafn­vægi er á út­hlut­un lista­manna­launa, séu þau skoð­uð eft­ir bú­setu laun­þega. Laun­in, sem eru tölu­vert lægri en reglu­leg laun full­vinn­andi fólks, renna í flest­um til­vik­um til íbúa í Vest­ur­bæ og mið­bæ Reykja­vík­ur. Menn­ing­ar­mála­ráð­herra seg­ir nið­ur­stöð­una ekki óvænta þó hún slái hann ekki vel.

Mest lesið

Mest lesið í vikunni

Sagði sig úr skólaráði þegar Ársæll var ráðinn „af pólitískum ástæðum“
2
Stjórnmál

Sagði sig úr skóla­ráði þeg­ar Ár­sæll var ráð­inn „af póli­tísk­um ástæð­um“

Kenn­ari og fyrr­ver­andi formað­ur Kenn­ara­sam­bands Ís­lands sagði sig úr skóla­ráði Borg­ar­holts­skóla þeg­ar Ár­sæll Guð­munds­son var skip­að­ur skóla­meist­ari. Sagði hann eng­an í ráð­inu hafa tal­ið hann hæf­ast­an um­sækj­enda og full­yrti að ráðn­ing­in væri póli­tísk. Ár­sæll seg­ist rekja það beint til Ingu Sæ­land að hafa ekki feng­ið áfram­hald­andi ráðn­ingu.

Mest lesið í mánuðinum

Mest lesið í mánuðinum

Nýtt efni

Machado úr felum og heitir því að binda enda á „harðstjórn“ í Venesúela
Erlent

Machado úr fel­um og heit­ir því að binda enda á „harð­stjórn“ í Venesúela

„Ég kom til að taka við verð­laun­un­um fyr­ir hönd venesú­elsku þjóð­ar­inn­ar og ég mun fara með þau aft­ur til Venesúela þeg­ar rétti tím­inn kem­ur,“ sagði Nó­bels­verð­launa­haf­inn María Cor­ina Machado í morg­un. Óvíst var hvort hún myndi ferð­ast til Ósló­ar til að taka við verð­laun­un­um en hún hef­ur ver­ið í fel­um síð­an í janú­ar.

Mest lesið undanfarið ár