Hneykslan yfir „dauða og eyðileggingu“ eftir vopnahlé

Rauði kross­inn seg­ist í yfir­lýs­ingu vera „hneyksl­aður á hinum skelfi­legu dauðs­föllum og eyði­legg­ingu“ á þétt­býlum svæðum víðs vegar um Líbanon í gær þegar Ísrael hóf gríð­ar­lega árása­hr­inu í kjöl­far vopna­hléssam­komu­lags við Íran.

Öflugar sprengjur skullu á fjöl­förnum hverfum, þar á meðal í höf­uð­borg­inni Beirút, án aðvar­ana, sagði Alþjóða­nefnd Rauða kross­ins í yfir­lýs­ing­unni.

„Fólk um allt Líbanon hélt niðri í sér and­anum í von um vopna­hléssam­komu­lag, en hrina mann­skæðra árása steypti land­inu í skelf­ingu og ringul­reið,“ sagði Agnes Dhur, yfir­maður sendi­nefndar Alþjóða­nefndar Rauða kross­ins í Líbanon.

„Margir sem voru farnir að hugsa um þá stund þegar þeir gætu snúið aftur til heim­ila sinna hafa þust út á götur og á sjúkra­hús í leit að ást­vinum sem saknað er eða í leit að öryggi sem virð­ist sífellt fjar­læg­ara.“

Að minnsta kosti 182 lét­ust og 890 særð­ust í gær eftir að Ísrael hóf árása­hrin­una, sem á sér enga hlið­stæðu í yfir­stand­andi stríði, sam­kvæmt nýj­ustu tölum frá líbanska heil­brigð­is­ráðu­neyt­inu.

Víðs vegar um landið sendi líbanski Rauði kross­inn sam­tals 100 sjúkra­bíla til að flytja hina látnu og særða á sjúkra­hús, að sögn Alþjóða­nefndar Rauða kross­ins.

Beirút í gærÍsraelar brugð­ust við vopna­hléi við Íran með stærstu árás sinni á Líbanon til þessa í yfir­stand­andi stríði.

Mynd: AFP

Heil­brigð­is­stofn­anir, sem þegar voru yfir­fullar, þurftu að takast á við straum slas­aðra, á meðan sumir voru enn fastir undir rúst­unum, bætti nefndin við.

„Sérhvert heild­stætt sam­komu­lag fyrir svæðið verður að taka til­lit til öryggis, verndar og virð­ingar almennra borg­ara í Líbanon,“ sagði Alþjóða­nefnd Rauða kross­ins í Genf.

„Eftir meira en fimm vikna stríðs­á­tök þarf fólk bráð­nauð­syn­lega hvíld frá ofbeld­inu.“

Líbanon dróst inn í stríðið í Mið­aust­ur­löndum þann 2. mars þegar Hezbollah, her­ská sam­tök studd af stjórn­inni í Íran, hófu að skjóta flug­skeytum á Ísrael til að hefna fyrir morðið á æðstaklerki Írans, Aya­tollah Ali Khamenei.

Á sama tíma sögðu lækna­hjálp­ar­sam­tökin Læknar án landamæra (MSF) að teymi þeirra væru að bregð­ast við miklum fjölda slas­aðra sjúk­linga, þar á meðal barna, á Rafik Hariri-almenn­ings­sjúkra­hús­inu í Beirút.

„Sjúk­lingar koma með sprengju­brota­sár og miklar blæð­ingar. Einn sjúk­lingur kom á sjúkra­húsið og hafði misst báða fætur. Ástandið er óreiðu­kennt þar sem fleiri eru fluttir inn,“ sagði Christopher Stokes, neyð­ar­stjórn­andi Lækna án landamæra í Líbanon.

„Þessar til­vilj­ana­kenndu árásir á mjög þétt­býl svæði eru algjör­lega óásætt­an­legar,“ sagði hann.

„Stöðugum árásum á almenna borg­ara verður að linna... End­ur­tekin nauð­ung­ar­flutn­ingur fólks – sem er stríðs­glæpur – verður að hætta.“

Ísraelar hafa her­tekið land­svæði um þrjá­tíu kíló­metra innan landamæra Líbanons og sprengt skipu­lega upp brýr og aðra inn­viði, sem þeir segja að Hezbollah nýti. 

Emmanúel Macron Frakk­lands­for­seti sagði í gær að vopna­hléssam­komu­lag við Íran verði að fela í sér Líbanon, eins og Íranar kröfð­ust í 10 liða kröfum sínum sem Banda­ríkja­for­seti sagði vel raun­hæfa.