Lögreglan beitti rafbyssu gegn fimm manns á fyrsta ársfjórðungi þessa árs. Í alls 30 skipti drógu lögreglumenn vopn úr slíðri eða ógnuðu með því. Rafbyssum hefur aldrei verið beitt jafn oft á einum ársfjórðungi síðan lögreglan hóf notkun þeirra árið 2024.
Ríkislögreglustjóri hefur hins vegar ekki upplýsingar um hversu oft hefur þurft læknisaðstoð eftir beitingu slíks vopns, að því fram kemur í svari embættisins við fyrirspurn Heimildarinnar.
Rafbyssur hafa verið til umræðu undanfarið eftir að maður brenndist alvarlega þegar lögreglan á Suðurnesjum beitti rafbyssu í maí. Hann liggur nú hætt kominn á sérstakri brunadeild í Bergen í Noregi að sögn lögmanns hans, Vilhjálms H. Vilhjálmssonar.
„Lögregla leggur ávallt mat á ástand einstaklinga sem hafa verið handteknir áður en þeir eru vistaðir í fangaklefa,“ segir í svari ríkislögreglustjóra. „Einstaklingum sem beittir hafa verið rafvarnarvopni er einnig afhent upplýsingablað um mögulegar aukaverkanir hafi þeir ekki verið færðir undir læknishendur.“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir