Suður-kóreskur kaupsýslumaður var kyrktur í höfuðstöðvum filippseysku lögreglunnar í Manila. Nú í morgun var fyrrverandi yfirmaður í fíkniefnalögreglunni handtekinn vegna dóms sem hann hlaut fyrir mannrán og morð á manninum árið 2016. Lögreglumaðurinn hafði verið á flótta undan réttvísinni.

Mál suðurkóreska kaupsýslumannsins Jee Ick-joo, sem var rænt af fíkniefnalögreglumönnum undir yfirskini fíkniefnaleitar, var eitt umdeildasta málið tengt hinu mannskæða stríði fyrrverandi forsetans Rodrigo Duterte gegn fíkniefnum.

Þúsundir morða

Saksóknari hjá Alþjóðadómstólnum í Haag, sem sækir Duerte til saka fyrir glæpi gegn mannkyninu, segir hann hafa drepið þúsundir manna í herferð sinni gegn fíkniefnum.

„Í áratugi hefur hann myrt eigið fólk, myrt börn Filippseyja, og hann heldur því fram að hann hafi gert þetta allt fyrir land sitt,“ sagði saksóknari í febrúar, þegar verið var að meta hvort staðfesta ætti ákærurnar og fara með málið fyrir dóm. „Hann stjórnaði dauðasveit í Davao-borg sem hann sjálfur stofnaði. Hann stjórnaði henni í meira …